Nehemia 8:9 - ŊWÀʼ NYÙY

⁹ Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Nehemia 8:9 Iomraidhean Croise

2 Afòn 22:11

Fòn yú jí se sí‑iì dzəə̀n é Ŋwàʼ Nsər Nyùy, kindzə́m kí gwàr wun, wù saàsì ndzə̀y sə́,

2 Afòn 22:19

e yù á kinyo ke wun suŋnin kibiíbí kùm Jerusalem wùn à wír vee fóo, ji dzə̀ kirə́ʼ, a kí wíy lày a làyìn kisáŋ, aá wáa kuù kuùn. Mo wù səəsin jí sìn e shilív she juŋ shi, e lì kitú kfə́ kitérí, a neŋ e wun sar, e kfə̀n saàsì ndzə̀y sə́, a toŋ e wun si, wun woo Nyùy Tàr nén a suúy e wun a jii, wun yù á ne tóŋ rə́.

2 Wòŋ 15:3

Ghán símóʼ sí‑iì dàrnìn se Isray yòʼ‑oò ló a cù Nyùy wo ru. Taà cù woo ji wun yéʼéy áwune yòʼ‑oò dzə̀. Bìʼ bey, la áwune yòʼ dzə́ə a jùmrì nsər Nyùy.

2 Wòŋ 30:22

Fòn Hesekiya‑aà bùrí wir dzə̀m woó ram Levi bìʼ dzə́ə ye juujùŋ ye áwune‑eè sùyrìn Nyùy Tàr shó. Á bèy, á yí ŋkàʼ kishiíy saàmbà, yí bèy, yii cú kikòŋnìn, kfə̀n suyrì Nyùy Tàr woo Nyùy atàr vév.

2 Wòŋ 34:19

Fòn Josia yú kinyo ke kí fəən fó Ŋwàʼ Nsər Nyùy, e nèn saàsì ndzə̀y sə́.

2 Wòŋ 34:21

«Vèn du, e mbaà Nyùy Tàr bìʼ kinyo ke á saŋen é ŋwàʼ fèn. Vèn du, e mbaà wun, e fò e mò, e kù a mbaà sa bìʼ wír ve á berin é Isray, e bèr é Juda. Rúrú, Nyùy Tàr sí shwiiy kilòŋ é dzəə ye bi, vèsən áwune, bìʼ fo atàr vesəné yòʼ‑oò lo ghvə̀m jí Nyùy Tàr, e yiì vinyo vidzə̀m ve á saŋen é ŋwàʼ fèn.»

2 Wòŋ 35:3

Wù‑uù sùŋnín sá e wír veé ram Levìi, a dzə̀ wír ve vé‑eè lèmèn jeéy ji á wáa yiì a lim se Nyùy Tàr, e kfə̀n a dùŋrì a kinyo kfə́ e wír veé Israyi. Wù‑uù sùúy aáwune jii, «Ké ŋkùv mensàŋ wo dzəə̀n kifá kee jeéy kí, vèn lem é lav cù ye Fòn Solomon woó Isray woo wan Davir‑iì bàʼrìn. Vèn yòʼ dzəə́ yiì a toór, a dù sho e kirə̀ʼ. Kee lèn və̀n ki, vèn wáa yu a dzə̀ fó lìm se Nyùy Tàr woo Nyùy won, a lìm fo wír veé Israyi.

Esra 2:63

Ŋgaà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve cù, a ví sì ji vifá ve yi vee jeéy ví féyì.»

Esra 7:11

Fòn Artakerkes‑iì fò ŋwàʼ e Esra woo taà cù, a kfə̀n dzə̀ ŋgaà dùŋrì wo wù‑uù yeʼeyin ne vinyo vee kùm nsər se Nyùy wùn à sáʼ Nyùy ye wù‑uù foon e wír veé Israyi. Ŋwàʼ və̀ne dzə̀ jii:

Nehemia 10:1

Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

Nehemia 12:26

Wír vìne‑eè yii lim yév é ghan se Joyiakim‑eè sáʼá, Joyiakim woo wan Jeshua wo yì‑iì dzəə̀n wan Josadak, aá kfə̀n‑eè yii e ghan se Nehemia‑aà dzəə̀n taà saʼ, e kfə̀n yiì e taà cù woo Esra ghan, Esra wo kfə̀n‑eè dzəə̀n ŋgaà dùŋrì.

Nehemia 7:65

Taà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve yi vee jeéy ví.»

Nehemia 7:70

Vilìmbìy ve kfəə vímóʼ ví‑iì suʼ vifá vé a tom lim sho. Ŋgaà saʼ woó kishev ke wòŋ‑eè fó *kisha ke mbàm ke baar kí moo kilu waamé bey, à vighín ví mtàn (50), à vikúm vé atàá cù vi kishóv mtaár e ghiì tàn (530).

Nehemia 8:2

Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Ŋgaà Tàrvìnyò 3:4

Ghán sé toŋ si dzə̀, a sé sheʼ si dzə̀. Ghán sé dìy si dzə̀, a sé kidzən si dzə̀.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Cù 23:24

«Suúy e wír veé Israyi jii, lóo dzə e kishiíy ké mbìy ki, é ŋwee woo saàmbà, vèn kù lèm ji kishiíy ké bam, e rə̀sí, aá tóŋ sóŋ, é wíri kaárí, a bùnrì Nyùy, é wù fíʼ a kuumé ven.

Malakay 2:13

Kímóʼ kee kinyo ki nen kfə̀n a dzə jii, vèn wiy e cúu, sə́ʼər mensíy. Vèn diy, sheŋ kitú, bìʼ fo bó Nyùy Tàr yòʼ dzəə́ səə́si cu yén, cu, ye vèn wiy ji á cu wun sho.

Ŋwàʼ woó Rom 3:20

Wìr wo dzə̀ Nyùy wàa yen ji woo là jay ji bìʼ fo wun kì lim a mo nsər suuyì yòʼ dzə̀. Ke nsər yii ki dzə̀ jii, yì din, é wìr kiíy ji wun jày ne kinyo.

Ŋwàʼ woó Rom 7:9

Yì‑iì dzə̀, a bó m yóʼ ne kìíy nsər, kinyo kímóʼ kí yòʼ‑oò ŋáʼar shilív shém gheéy. Mo m kiiyin, shí nen ŋàʼáy, m kéʼ, e lòo yiì vinyo ve bi ví, ví nén yùyrí mo yúyrín.

Remrí 12:12

Vèn wíy a sàvnìn e Nyùy Tàr woo Nyùy wón si, vèn à wón vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. Vèn kú a kuumé ji rám Levìi yòʼ wíy a ker a vitsə́ʼ e věn mvəm.

Remrí 12:7

Kù dzə̀ fó, fo vèn à kfə́ə sén sí wíy a kaarí e Nyùy Tàr woo Nyùy wón si, a yi vifá ve cù, a sàvnìn bìʼ séʼ wo vèn kooyin fo věn lìm mo Nyùy Tàr səə̀vìn ven.

Remrí 16:11

Vèn wiy e Nyùy Tàr woo Nyùy wón si, e kirə̀ʼ ke wù wíy shoʼ ji á wáa ghvəm yír rə́ fó, aá wáa yinín, a sàvnìn vèn à wón vén vee vilume, à vee vikìyí, e kù a sàvnìn sa vèn aàkwàn vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. A sàvnìn vèn à viŋgwìy vi, à wón tsə̀ə́, à vikǐy ŋkfə ve á dzə́ e věn mvəmé.

Remrí 26:14

Bó m yòʼ‑oò lo yì kifá fo fo e ghan se mò‑oò diy kpú. Bó m yòʼ‑oò lo fə̀ə́r kifá fo fo, a m dzə̀ e *kifàn kí é wùn, kìn ji m li mbìv yìmòʼ, e tàŋrí ŋkfəsày sho. Rúrú, Nyùy Tàr woo Nyùy wom, m kù yùnín ne ji yè, e kù yiì vinyo vidzə̀m réŋréŋ mo wò‑oò yòŋèn ji m yii.

Jeem 4:9

Vèn wáa woomé fo věn vinyò ve bi ví, a sòv kitú, a dìy. Vèn maʼti shéʼe, a toŋ toŋén. Vèn bér kishéʼrì ki, a rə̀m a dzə̀ vitú vén.