Nehemia 8:6 - ŊWÀʼ NYÙY

⁶ Wù nèn yòŋ jii, «Á wáa burí Nyùy Tàr, woo Nyùy wo kuʼùn.» Wìr dzə̀m nèn nàn wó e yuv, e bìnsí jii, *Amen, Amen, Amen, e nèn gvə̀ʼtí, e làʼ kitú e nsay, e ghvə̀m Nyùy.

Nehemia 8:6 Iomraidhean Croise

Kèʼlo 14:22

Abram bìnèr kfə́ e fòn woó Sodom jii, «M kì yiì á ne kilìʼ fo Nyùy Tàr, wun woo Nyùy woo Taà Vitu, wun wo wù‑uù bomen yúv wùn à nsay,

Kèʼlo 24:26

Wìr və̀y gvə́ʼə́r kitú, a ghvəm Nyùy Tàr,

1 Wòŋ 16:36

Á wáa burí Nyùy Tàr, Nyùy wìr veé Isray. Á wáa burí wun, viyá viyá là may.» Wìr dzə̀m nèn bìnsí jii, «Amen.» Bínsi bèy, búri Nyùy Tàr.

1 Wòŋ 29:10

Fòn Davir nèn lò, e tìím e màŋgòŋ wo wù‑uù baʼtín si, a burí Nyùy Tàr, a suúy jii, «Éè Nyùy Tàr woo Nyùy Isray woo tàr à atàr vér, á kú a burí wò, e wìy dù, e mày.

1 Wòŋ 29:20

Davir nèn sùúy e wìr dzə̀m wo wù‑uù baʼtin jii, «Vèn wáa burí Nyùy Tàr woo Nyùy won.» Wìr dzə̀m wo wù‑uù baʼtin fó nèn a burí Nyùy Tàr woo Nyùy atàr vév. Vé‑eè tsə̀m ndzəə́, e làʼ kitú e nsay, e ghvə̀m Nyùy Tàr, e nèn fò sá ghvə́m e fòn.

2 Wòŋ 20:18

Jehoshafat tsə́m ndzəə́, e làʼ kitú fo nsay, wír veé Juda adzə̀m wùn à wír ve vé‑eè dzə́ e Jerusaleme nèn gbù fo nsay e Nyùy Tǎr si, a ghvəm wun.

2 Wòŋ 29:10

«Ké lèn ki, m taʼ ji vèsən yii ŋkàʼmé vèsən à Nyùy Tàr woo Nyùy wìr veé Isray, é la wù yòʼ dzə́ə a shwiíy kilòŋ vèsən áwune.

2 Wòŋ 29:30

Fòn Hesekiya wùn aàtǎr ntoʼ vəə́ nèn yòŋ e wír veé ram Levìi ji á wáa sùyrì a Nyùy Tàr e luŋ se Davir wùn Asav woo ŋgaà ntum Nyùy‑iì saŋen sí. Á bèy, áwune nèn a yòv luŋ si, a sùyrì Nyùy e kishéʼrì ki, a gvəʼtí, a ghvəm wun.

2 Wòŋ 6:4

a suúy jii, «Búríi wáa dzə fo Nyùy Tàr woo Nyùy wìr veé Isray, wo wù yiìn ne kinyo ke wù‑uù kàʼàn tàr wor Davir sho. Wúnwun kitú kfə́‑əə̀ lo yòŋ jii,

Nehemia 5:13

M kfən bvə̀r kibam fo mǒ mentìntìn, e yàsì, e sùúy jii, «Á mo Nyùy kù wíy yàsì wír wo wù tenen fóo lèm ŋkàʼmé və̀n bèn. Nyùy wíy sù láʼ sén wùn à kéŋ yéné e dzə̀m, e lèm ven e wóo.» Màŋgòŋ e dzə̀m ku nèn bìnsí jii, «*Amen,» e nèn a sùyrì Nyùy Tàr. Wíri nèn dù, a yiì mo vé‑eè kàʼàn.

Nehemia 8:7

Áwune kú a tiy fo vé‑eè tíyí, a yuurí Ŋwàʼ Nsər, wír veé ram Levìi wáa sə áwune, a toʼtí nsàv, á wáa yu kijuŋ. A wír vìne‑eè dzə̀ Jeshua wùn à Bani, à Sherebia, à Jamin, à Akkuv, à Shabbetay, à Hodia, à Ma‑Aseyia, à Kelita, à Asaria, à Josabad, à Hanan, e lì Pelayia.

Nsùyrì Nyùy 134:2

Vèn nan ri wó yéné, a bùnrì e wun lav cù, a sùyrì wun woo Nyùy Tàr.

Nsùyrì Nyùy 141:2

Ku səə̀sí bunrì yém rə́ne ji kiláy ke á ton e wò, e səə̀sí wó ye m nan e yuv rə́ne ji cu yee ŋkuùr.

Nsùyrì Nyùy 28:2

Yú kíghàʼ wo m tóŋ e wò, tóŋ, nan wó yém é yuv, tóŋ ji à biner mo e wò kikìkìŋ keé lav cù.

Nsùyrì Nyùy 41:13

Búríi wáa dzə fo Nyùy Tàr, Nyùy woó Isray. Á kú a burí wun ghán sidzə̀m, e dù, e jòʼsì. Amen, Amen.

Nsùyrì Nyùy 63:4

M yíi a burí wò, e dù meé mo m wíy kpu. M yíi a nàn wó yém é yuv, a wùʼsì yír yé.

Nsùyrì Nyùy 95:3

Nyùy Tàr dzə̀ Nyùy wo wiy, a dzə̀ Fon wo wiy wo wù shaàn anyùy adzə̀m.

Ŋwàʼ Fəə 12:27

vèn bìnèr ji cu ye vèn seé nyám, cu Nyùy Tàr shó rə̀ne dzə̀ á Ŋkǎʼ Yáʼayshaà, aá yii bèy a, bìʼ fo wù‑uù yaʼayin lav sén, aá dzə̀ é Ejiv e ghan se wù‑uù laar wón wìr vee fó, e bàvtí a ven.» Mooser màysì sùŋnín, wír veé Israyi nèn gvə̀ʼə́r vitú vév, e ghvə̀m Nyùy Tàr,

Ŋwàʼ Fəə 4:31

áwune nen biìmé ntum yev. Á lò, e yù ji Nyùy Tàr kì wìy ne ji wun shám á wír veé Isray, a wù yén ne ŋgeʼ se áwune yéné, á nèn gvə̀ʼə́r vitú vév, a ghvəm Nyùy.

Jeremia 28:6

Wù‑uù bìnsí jii, «Kòcònè, Nyùy Tàr ku yiì bèy. Wù ku yiì, é kinyo ke à fìʼtìn kí ku kòóy rú bey, é vifá ve ker veé lav cù vi kfə́n é bàm fó Babilon wùn à wír ve vé‑eè kuuyin fó fèn, e dù sho foo.

Yòvdìy 3:41

Vèsən wáa mbaà Nyùy wo wù dzəə̀n é yuv shilív shidzə̀m, e màʼ wó e baà, a lon wun jii,

Cù 9:24

Nyùy Tàr ku nèn tsə̀nsí və́y, wú wìy, e laàr cu ye tonèné wùn à fóm si fó kiy cù. Wìr dzə̀m yén, e bùʼ shirəə́, e tsə̀m sí e nsay.

Matio 26:39

Wù nèn kòʼtí fo mbìy shishàr, e nàsì fo nsay kfə̀ə́kfəv, a bùnrì jii, «Éè Tàr wor, a fèn dzə̀ ji dzə̀ à yiì, la m yòʼ nò fó bàr ŋgeʼ fèn, à kù yiì. Yii bèy, ku yiì a dzə̀ ke koŋ wò ki, lá à yòʼ yiì ke koŋ mo.»

Matio 6:13

Lá à yòʼ màʼtì, é vinyo ve ví mum ver ví gháʼ ver. Kìŋsìn ver fo Satan woo ŋgaà vinyò ve bi ví.›

1 Korin 14:16

A là bey, wìr fo vèn wáa bùnrì, a wù bunrì fo shiliv é làm wo bó wù yòʼ kiìn, la wìr wùmòʼ yòʼ bìnsí ji amen, a bo wù yú lám woo shooy.

Efesor 1:3

Vèsən kú a burí Nyùy woo Tàr à Taàtá wòsən Jesus Kristu ghán sidzə̀m. Wù tàtí vèsən à Jesus Kristu, e bùʼ e vijuŋ və́ veé yuv ví vidzə̀m.

1 Timoti 2:8

Ke m koŋ feyì ki nén a dzə jii, vintatì vidzə̀m vi lóo dzə̀ʼə̀m, vilum ámóʼó kù a dzə ve dzə̀ á wàa fo bunrì. A dzə̀ kù a dzə vilum ve bó á yòʼ wáyri wó e vinyò ve bi ví, e bóo kfə̀n a nàn wó yee shooy ji á bunrì. Ku kfə̀n a dzə sa wír ve bó yòʼ dzə̀ á wàa shwiíy kilòŋ, a taŋnín wùn à wíri.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Ŋgaà Yen 7:11

Nshèelav se Nyùy si báʼtí fó sidzə̀m, e tìím, e gìm kàvàʼ wùn à vifá vee vikweè ve ví tíy e ghaŋ wo vi, à kfə́m sé wìr sìy si, e wày fó ntìntìn. A sí wiy e shùu kàvàʼ, gbu e Nyùy si, fó ghvə́m sho,