Nehemia 8:5 - ŊWÀʼ NYÙY

⁵ Mo Esra koʼon fó bèy, a wìr dzə̀m yén wun, wù nèn mvə̀ʼ ŋwàʼ. Mo wù mvə̀ʼə̀n, wíri ku nèn nànèn, a tiy e yuv.

Nehemia 8:5 Iomraidhean Croise

1 Afòn 8:12

Fòn Solomon nèn kà jii: «Nyùy Tàr, à lèéy ne ké jii, wo‑óò wiy, a dzə e mvə̀m mbàʼ ye sənér.

1 Afòn 8:14

Fòn Solomon ló, e bìnkìr, e lèéy wír veé Isray adzə̀m, aá kù tíy fo, e nèn a lon ji Nyùy ku səə̀vì a áwune,

Nehemia 8:3

Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.

Nehemia 8:4

A kí‑iì dzə̀ jii, Esra woo ŋgaà dùŋrì‑iì kòʼ, e tìím e kitaàtì ke vé‑eè fèrìn e vicí ví bìʼ ŋkàʼ vən, wír ámóʼó wáa tiy e wun ghaŋ. Ve vé‑eè tíy e wun koy yìyí‑iì dzə̀ jii, Mattitia wùn à Shema, à Anayia, à Uria, à Hilkia, e lì Ma‑Aseyia. Veé koy ŋkoòvìi wáa dzə jii, Pedayia wùn à Mishael, à Malkija, à Hashum, à Hashbaddana, à Sekariya, e lì Meshullam.

Atǎr Nsaʼ 3:20

Mo sí fəəkin bey, Ehud nèn kòʼtí e fòn si, a fòn kì dzə́ e wun ntoʼ ye yì‑iì dzəə̀n é kinsəʼ ke lav kee fó yuv, koó shwér. Ehud nèn bùn fon, e sùúy sho jii, «M kér a ntum ye yì loòn fo Nyùy ji m tiísí á e wun.» Fòn nèn tùm é yuv fó kàvàʼ.