Nehemia 8:3 - ŊWÀʼ NYÙY

³ Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.

Nehemia 8:3 Iomraidhean Croise

Nehemia 10:29

Áwune nèn tàtí afə́r vév ve dzəə̀n vilìmbìy, e yiì kilìʼ. Wùn áwune líʼ ji á yíi a yu vinyo a dzə̀ á fo Ŋwàʼ Nsər wo Nyùy‑iì foon aáwune, e shaà fo Mooser woo ŋgaà lìm və, a ghar a nsər se wun woo Nyùy Tàr woo tàr wov, a yu vinyo ve wù‑uù tinen, wùn à sáʼ rəə́, a yiì a mo yí dzəə̀n. Kí búŋ fo bèy, é lǒn Nyùyi shóv aáwune.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Nehemia 8:1

Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.

Nehemia 8:18

Áwune‑eè yiì ŋkàʼ vən kishiíy saàmbà. A kishiíy kidzə̀m, e kèʼ fo kishiíy ké mbìy ki, e dù, e bàʼ e ké bàm kí, Esra kù‑uù yoŋ kinyo fo Ŋwàʼ Nsər Nyùy. Lòo meé e kee waamé kí, màŋgòŋ nèn bàʼtí mo nsər‑iì suuyì, e maàr.

Nehemia 8:4

A kí‑iì dzə̀ jii, Esra woo ŋgaà dùŋrì‑iì kòʼ, e tìím e kitaàtì ke vé‑eè fèrìn e vicí ví bìʼ ŋkàʼ vən, wír ámóʼó wáa tiy e wun ghaŋ. Ve vé‑eè tíy e wun koy yìyí‑iì dzə̀ jii, Mattitia wùn à Shema, à Anayia, à Uria, à Hilkia, e lì Ma‑Aseyia. Veé koy ŋkoòvìi wáa dzə jii, Pedayia wùn à Mishael, à Malkija, à Hashum, à Hashbaddana, à Sekariya, e lì Meshullam.

Nehemia 8:5

Mo Esra koʼon fó bèy, a wìr dzə̀m yén wun, wù nèn mvə̀ʼ ŋwàʼ. Mo wù mvə̀ʼə̀n, wíri ku nèn nànèn, a tiy e yuv.

Maak 12:37

Mo Fòn Davir yoŋ Mfə̀ə́r ji Tàr wov, a dzə̀ Mfə̀ə́r kfə̀n a dzə wán və é le?» Màŋgòŋ yú kinyo ke Jesus kìn, a kòŋ.

Ŋwàʼ Luk 19:48

Yii bèy, e làa yòʼ a ker dzə́ə, bìʼ fo wìr dzə̀m kù‑uù rə́si a dzə̀ e Jesus ghaŋ, yuúri vinyo və́, e làa yòʼ a tàʼ ji kinyo kimòʼón ki túm á fo nsay.

Ŋwàʼ Luk 8:18

Kí nén a dzə jii, vèn lóo yuurí kinyo ke Nyùy, vèn wàa kiíy, a səə̀m a kijuŋ, a kiíy jii, wír wo wù kér kifá, á yíi dzə̀sì. Wìr wo wù buŋen, aá maysì shishàr she wù kwaʼ ji wun kérí, e gèr gérín.»

Lim Aŋgàa Ntum 13:15

Á yòŋ kinyo fo ŋwàʼ Mooser wùn à wó aŋgàa ntum Nyùyi, kí mày, atǎr ŋgày bùnrì rə̀yi nèn tùm wír, wù dù, e dzə̀r aáwune jii, «Afə̀r ver, a vèn kér kinyo kée tir wíri shó, vèn sùúy.»

Lim Aŋgàa Ntum 13:27

A bó wír veé Jerusalem wùn à vév vé wòŋe yòʼ‑oò ló a kiíy ji Jesus dzə̀ Ŋgaà Lùŋèr woo shooy. Á kfən mèŋ kinyo ke aŋgàa ntum Nyùyi dinè, kinyo ke á rə́si yoŋ fo ŋwàʼ vishiíy vé bam vidzə̀m. Ku nèn yiì áwune, kinyo kee shooy ki gheén mo vé‑eè bìnèn nsaʼ Jesus ji á yúy.

Lim Aŋgàa Ntum 15:21

Aá kù sàŋ bey, bìʼ fo vé‑eè sí fiʼtì vinyo ve Mooser vìn virə́ʼ vidzə̀m, e kèʼ fo ŋgùʼ, a wíri yú. Aá kù dzəə́ yoŋ fo ŋwàʼ lèn e ŋgày se bùnrì vishiíy vé bam vidzə̀m.»

Lim Aŋgàa Ntum 16:14

Wiíy kitum wùmòʼ wáa dzə fo, a wù ghvə́m sa Nyùy, a yír rəə́ dzə̀ ji Lidia. Wù‑uù dzə̀ wír woó Tiyatira, a wù yii fiinè kfə́ə ndzə̀y símóʼ sí, a sí yii dzə́ e kilùm. Wù lòo yuurí kinyo kér, Nyùy nèn mvə̀ʼ shilív sə́, wù biímé kinyo ke Por ferì.

Lim Aŋgàa Ntum 17:11

Wír veé Juda vee fóo wáa dzə wír, aá yii kwaʼtì kinyo, e shaà veé Tesalonika. Á nèn a ker shií fó a yuurí kinyo ke Por wùn Silar. Lóo yuurí, á wàa yòŋ Ŋwàʼ Nyùy vishiíy vidzə̀m, a leéy fo fo ji kinyo ke áwune suuy ki sà kù yòʼ dzə̀ réŋ á?

Lim Aŋgàa Ntum 20:11

Por nèn kfə̀n kòʼ é lav fèy, wùn áwune yínín kikóŋ, bo wù kfən kèʼ, a suŋnín, e dù, e mèé kijàvndzə, e bó a lò.

Lim Aŋgàa Ntum 20:7

Wìy lòo dzə e kishiíy ké mbìy ki fó ŋgàm, vèr à kintatì ki báʼtí ji á yínin kikóŋ. Mo Por kì sí bvəə́shi, a lò kijàvndzə, wù nèn kèʼ, a suŋnín, e yiì sùŋnín, e mèé e ntìntìn vitsə̀ʼ.

Lim Aŋgàa Ntum 28:23

Wùn à Por nèn kfə̀n sìysì kishiíy ke á wíy dzə̀ʼə̀m. Kishiíy kiy ki gheén, wíri báʼtí e Por lav aneénín, wù wáa sanrí kinyo ke Nyùy aáwune, e kèʼ fo kijàvndzə, e meé vitsə́ʼ, a fìʼtì mo sáʼ Nyùyi dzəə̀n. Wù wáa yòŋ vinyo fo Ŋwàʼ Nsər Mooser, e kfə̀n a yòŋ fo Ŋwàʼ Aŋgàa Ntum Nyùy, a mùm fó bìnèr áwune, aá biímé Jesus.

Remrí 31:9

Mooser‑iì sàŋ yéʼéy Nyùy rə̀n wùn à nsər si é ŋwàʼ, e wày áàtàá cù wùn à vilìmbìy veé Isray ví kiwo. Kù‑uù dzə̀ atàá cù, áwune vee rám Levi, a dzə̀ áwune ve vé‑eè béʼ ŋkùv mensàŋ Nyùy Tàr.

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

Joshua 8:35

Bó jì yòʼ‑oò lo gòʼ fo nsər se Mooser‑iì foon, ye Joshua yòʼ‑oò lo yòŋ e màŋgòŋ woó Isray, e lì vikìy wùn à wóné, à viŋgwìy ve ví‑iì dzə́ aáwuné mvəm ví.

Ŋgaà Yen 2:29

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 3:22

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»