Nehemia 8:2 - ŊWÀʼ NYÙY

² Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Nehemia 8:2 Iomraidhean Croise

Nehemia 10:29

Áwune nèn tàtí afə́r vév ve dzəə̀n vilìmbìy, e yiì kilìʼ. Wùn áwune líʼ ji á yíi a yu vinyo a dzə̀ á fo Ŋwàʼ Nsər wo Nyùy‑iì foon aáwune, e shaà fo Mooser woo ŋgaà lìm və, a ghar a nsər se wun woo Nyùy Tàr woo tàr wov, a yu vinyo ve wù‑uù tinen, wùn à sáʼ rəə́, a yiì a mo yí dzəə̀n. Kí búŋ fo bèy, é lǒn Nyùyi shóv aáwune.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Nehemia 8:18

Áwune‑eè yiì ŋkàʼ vən kishiíy saàmbà. A kishiíy kidzə̀m, e kèʼ fo kishiíy ké mbìy ki, e dù, e bàʼ e ké bàm kí, Esra kù‑uù yoŋ kinyo fo Ŋwàʼ Nsər Nyùy. Lòo meé e kee waamé kí, màŋgòŋ nèn bàʼtí mo nsər‑iì suuyì, e maàr.

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

Aysaya 28:9

Áwune ndzə́kir kùm mo, té lám jii, «Ŋwàáy, wù kér ka ke dzə̀ wù yèʼéy ver shó? A dzə̀ yù la kinyo ke wù jív ji wun suuyì? Yéʼéy rəə́ kù dzə̀ yé a yeʼéy a dzə̀ wón ve á shoʼon fó vin sho.

Cù 23:24

«Suúy e wír veé Israyi jii, lóo dzə e kishiíy ké mbìy ki, é ŋwee woo saàmbà, vèn kù lèm ji kishiíy ké bam, e rə̀sí, aá tóŋ sóŋ, é wíri kaárí, a bùnrì Nyùy, é wù fíʼ a kuumé ven.

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Kintaŋ 29:1

«Lóo dzə e kishiíy ké mbìy ki fó ŋwee woo saàmbà, vèn bàʼtí, a bùnrì Nyùy Tàr. A bó yòʼ dzə̀ vèn kfə̀n lìm lim ye á yii lim e vishiíy vee viy. Dzə̀ kishiíy ke vèn kú a lò, a toŋ a dzə̀ sóŋ sí.

Lim Aŋgàa Ntum 15:21

Aá kù sàŋ bey, bìʼ fo vé‑eè sí fiʼtì vinyo ve Mooser vìn virə́ʼ vidzə̀m, e kèʼ fo ŋgùʼ, a wíri yú. Aá kù dzəə́ yoŋ fo ŋwàʼ lèn e ŋgày se bùnrì vishiíy vé bam vidzə̀m.»

Remrí 17:18

«Á wíy kóʼor fon, é wù ku yiì, aá li Ŋwàʼ Nsər wo atàá cù veé ram Levìi wíy a ker, a yéʼéy Nyùy Tàr rə́ne dzə̀ shó, aá sáŋ və́ bey, é wù wáa ker.

Joshua 8:35

Bó jì yòʼ‑oò lo gòʼ fo nsər se Mooser‑iì foon, ye Joshua yòʼ‑oò lo yòŋ e màŋgòŋ woó Isray, e lì vikìy wùn à wóné, à viŋgwìy ve ví‑iì dzə́ aáwuné mvəm ví.