Nehemia 8:16 - ŊWÀʼ NYÙY

¹⁶ Á bèy, wíri ku nèn fəə̀, e dù, e wìy e vifá vee shooy vi, e fèr táv sév shó. Aámóʼó fer sév aáwuné vitu ve lav, ámóʼó aáwuné maàndzə, ámóʼó é maàndzə yeé lav cù, ámóʼó é maàndzə yeé Shùu Kày woó Dzəə̀ Ndzə̀v, aámóʼó fer sév é maàndzə yeé Shùu Kày Efrayim.

Nehemia 8:16 Iomraidhean Croise

2 Samuel 11:2

Wáa dzə e ŋkuùr wùmòʼ, Fòn Davir ŋáʼáy fo wù‑uù meemè, e kòʼ, a ghan e kikfəv ke lav. Wù lòo màʼ sí, e yèn wiíy wùmòʼ, a wù su wún, a wù bóŋ é ŋàŋ.

2 Afòn 14:13

Fòn Jehoash woó Isray koó Amatsiya woo fon woó Juda, e nèn dù e Jerusalem, e bvə̀ʼ mbìv kirə̀v ké kày yee kèʼ fó shùu kày wo á yoŋ ji wó Efrayim, e dù, e mèé e shùu kày wo á yoŋ ji woó kor. Mbìv kirə̀v rə̀n‑eè dzə̀ moo kóy wií bey.

2 Wòŋ 20:5

Fòn Jehoshafat yiì lò, e ŋàʼáy, e tìím e wírí si e mbìy maàndzə ye fíy yeé lav cù, fo wír veé Juda wùn à veé Jerusaleme‑eè baʼtin.

2 Wòŋ 33:5

Wù bóm símóʼ sí é maàndzə see sibaà seé lav cù, a dzə̀ kíy se cù se vifa ve ví bán e yuv vidzə̀m.

Nehemia 12:37

Á meé é Shùu Kày wo wú kiʼ dàn, e nèn tèém, e kòʼ tìítiy e nsèʼtì seé Ŋkàlaʼ Davir, e kibiʼtí ké kày, e shaà e mbìv kùy ntoʼ Davir, e nèn dù e Shùu Kày woó Dzəə̀ Ndzə̀v, e mbìv yee fo shùy yii tó.

Nehemia 12:39

e shaà, e dù e Shùu Kày Efrayim, e dù e Shùu Kày Jeshana, e shaà, e dù e Shùu Kày Sə, e kfə̀n shaà, e dù e Kirùmèn ke Hananel, e shaà, e dù e Kirùmèn kee Wiì, e shaà, e dù e Shùu Kày Njiì, e nèn wìy tìím e Shùu Kày Anshìy.

Nehemia 3:26

e bóo lì vé lìm veé lav cù ve á dzə́ e gwan Ofel. Wùn áwune‑eè nàŋsín virə́ʼ, e dù, e meé e ŋkìʼnìn Shùu Kày Ndzəv fo kirùmèn ki somènè, e mbìv yee fo shùy yii tó.

Nehemia 8:1

Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.

Nehemia 8:3

Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.

Jeremia 19:13

Lav seé Jerusalem wùn à ntoʼ seé Juda si kù wíy kfən ji kirə́ʼ ké *kifàn, moo Kiwoóy ké Tofet kìn. A dzə̀ jii, lav sidzə̀m se á ton kiláy é kitu wo, cu vifá veé yúv shó, kfə̀n maʼ meluʼ fo, cu anyùy sho.»

Jeremia 32:29

Wír veé Babilon ve á taáme ŋkàlaʼ rə̀ne yíi nəə́, e tòn fó e və́yí, e tatí, e tòn wùn à lav see fo wíri kóʼ, ton kiláy é kitu wo, cu *Baal sho, kfə̀n maʼ meluʼ fo ji cú anyùy, yii, a dòʼshwíiy wom kóʼó.

Remrí 22:8

«Wìr bóm lav ye fíy, wù fèr kay e kitu ke káy lav, e kaàrí sho, é yí fíʼ a teʼtín fo wìr lo, e gbù fo fo, é ŋgaà lav wiy e njò mensə e wun lav.