Nehemia 8:12 - ŊWÀʼ NYÙY

¹² Wìr dzə̀m nèn dù, a yikír, a nonín, a fo vímóʼ ví e wíri. Wìr dzə̀m‑eè yù vijuŋ mo vé‑eè sanrin ŋwàʼ və̀n, áwune yú kijuŋ.

Nehemia 8:12 Iomraidhean Croise

1 Wòŋ 29:22

Áwune‑eè yíkir, nó vifá, yú vijuŋ ve tavín ví e Nyùy Tǎr si e kishiíy fóo fèy. Áwune nèn lò, e bìysí Solomon woo wan Davir ji fon fo akàŋ vee abaà, e yòʼ wun ji fon wov e Nyùy Tǎr si, e nèn yòʼ sá Tsadok ji taà cù.

Nehemia 8:10

A dzə̀ lèn vèn dù, a yikír, a no vifá ve nyomèn ví, a fo vímóʼ ví e wír ve bó á yòʼ kéríi. Dzə̀ kishiíy ké Nyùy Tàr kee jeéy kí. Lá vèn yòʼ dzə́ə a dzə e nsòv. Kishéʼrì ke Nyùy Tàr kí ku tàvír ven.»

Nehemia 8:11

Wír veé ram Levìi ku nèn a səmér wir dzə̀m, a suúy jii, «Vèn sə́sín, lán dzə̀ kishiíy kee jeéy kí, lá wìr dzə́ə a sòv kitú.»

Nehemia 8:13

Wáa dzə e kishiíy ke kí‑iì batin, atǎr kfəə adzə̀m wùn aàtàá cùu, à wír veé ram Levìi nèn dù, e bàʼtí e Esra woo ŋgaà dùŋrì ghaŋ, wùn áwune wáa yeʼéy vinyo veé Ŋwàʼ Nsər.

Esta 9:22

Kù dzə̀ á vishiíy ve áwune‑eè bòyìn fo aŋgaà vév vibàné wo. Ku kfə̀n a dzə a ŋwee woo shó wo mendzən mev mè‑eè kfənen é kisheʼrì, diy yéví bínkír é ŋkàʼ wo yiíné. Wù‑uù sàŋ ŋwàʼ ji áwune wáa lèm a vishiíy vin ji vé ŋkàʼ, é wìr dzə̀m wáa yinín, a yu vijuŋ, a fo afómo, e kfə̀n a fo e vé kitàne.

Ŋwàʼ Jov 23:12

M yoʼ bìn ndzə̀m é nsər ye yì fəə́ fo wun shuù. M lèm ne jí se sí fəən fo wun shuù, a sí dzə̀ fo mò é shií, e shaà viyíkìr.

Nsùyrì Nyùy 119:111

M lì ne vinyo ve à dìnèn ji vitsə́ʼ vém vee là may. Eè, dzə̀ víwun ve ví fó mo kishéʼrì e mǒ shiliv.

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Nsùyrì Nyùy 119:130

À sánri jí sé, a sí fó rán, wáy vifií áànjìʼí vitu.

Nsùyrì Nyùy 119:14

M jumrì vinyo ve à foon, yú vijuŋ, kù mo wìr wo wù kér káv e ŋàŋ yii yú.

Nsùyrì Nyùy 119:16

M yíi a sheʼrí sáʼ yé, e làa yòʼ a làysìn jí yè.

Nsùyrì Nyùy 119:171

M kù yíi a burí wò, bìʼ fo à yéʼey mo sáʼ yé.

Nsùyrì Nyùy 119:174

Éè Nyùy Tàr, m yár jíŋ ji à luŋer mo, vijuŋ vém ví kù dzə̀ Nsər yè.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Nsùyrì Nyùy 119:97

M koŋ Nsər yè feyì. M rə́si, m kwàʼtì shó kishiíy kifur.

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Ŋwàʼ Luk 24:32

Áwune siíy, a kfə̀ynìn jii, «Á kinyo ke kí kì yiìn, bo melív mèsò mè lum é ghan se vèsən áwune kì wiy e dzəə, a wù tóʼti kinyo ke Ŋwàʼ Nyùy e wòsò.»

Ŋwàʼ woó Rom 7:18

A m kì ji mensə́ me mè lim e mǒ wùn mèn mè yòʼ dzə̀ mè wàa kòŋ kinyo ke ru kí gheéy. Shilív shém shí bínsi kinyo ji dzə̀ ke ru kí, m lo ji m yii, mensə́ mem mè shàʼnín.

Ŋgaà Yen 11:10

a seŋ ji sà kpù rú wír vìn a. *Aŋgàa ntum Nyùy vee abaà víne‑eè mùm á vinyo feyì, kitú ke nsay ki yén ŋgeʼ ŋkóŋkóŋ. Aá nèn a seŋ bèy, a nyàvnìn, a yinín.