Nehemia 8:10 - ŊWÀʼ NYÙY

¹⁰ A dzə̀ lèn vèn dù, a yikír, a no vifá ve nyomèn ví, a fo vímóʼ ví e wír ve bó á yòʼ kéríi. Dzə̀ kishiíy ké Nyùy Tàr kee jeéy kí. Lá vèn yòʼ dzə́ə a dzə e nsòv. Kishéʼrì ke Nyùy Tàr kí ku tàvír ven.»

Nehemia 8:10 Iomraidhean Croise

1 Afòn 8:66

Kishiíy kí meé ji waamé, Fòn Solomon siìr wíri é bàm aáwuné melaʼ. Á wáa dù, a burí wun, a wìr dzə̀m yú vijuŋ, shéʼri vinyo ve juŋ vi ve Nyùy Tàr yiìn e Davir woo ŋgaà lìm və, e yiì sa e wír və́ veé Israyi.

1 Wòŋ 16:27

Wù kù dzə̀ wùn à viwìr vi, à vikuʼùy ve ghaʼán ví. Kirə́ʼ kfə́ kí din vitaáví və́, kfə̀n din vijuŋ və́.

Nehemia 8:11

Wír veé ram Levìi ku nèn a səmér wir dzə̀m, a suúy jii, «Vèn sə́sín, lán dzə̀ kishiíy kee jeéy kí, lá wìr dzə́ə a sòv kitú.»

Nehemia 8:12

Wìr dzə̀m nèn dù, a yikír, a nonín, a fo vímóʼ ví e wíri. Wìr dzə̀m‑eè yù vijuŋ mo vé‑eè sanrin ŋwàʼ və̀n, áwune yú kijuŋ.

Esta 9:19

Á nsàv ye wír veé Juda ve á dzə́ e ntèʼ sií‑iì bàrìn kishiíy ke kí meen ji nshòv sikweè e ghvə̀m e ŋwee Adar kìn, a lèm jeéy ji kishiíy ké bam ke kisheʼrì, é kú a dzə ghán se á meemè, yí ŋkàʼ, yú vijuŋ, kfə̀n fó afómo.

Esta 9:22

Kù dzə̀ á vishiíy ve áwune‑eè bòyìn fo aŋgaà vév vibàné wo. Ku kfə̀n a dzə a ŋwee woo shó wo mendzən mev mè‑eè kfənen é kisheʼrì, diy yéví bínkír é ŋkàʼ wo yiíné. Wù‑uù sàŋ ŋwàʼ ji áwune wáa lèm a vishiíy vin ji vé ŋkàʼ, é wìr dzə̀m wáa yinín, a yu vijuŋ, a fo afómo, e kfə̀n a fo e vé kitàne.

Nsùyrì Nyùy 149:2

Isray kú a sàvnìn, bìʼ Ŋgaà Mbom və, é wón veé Sione wáa sheʼrí, bìʼ Fon wov.

Nsùyrì Nyùy 89:17

Dzə̀ wò kóy wór wo tavíné, wo vèr shéʼri. Kù yíi yiì tóm ye à tóm ver, é bo vèr ton aŋgaà vér vibàn.

Ŋgàn 17:22

Shilív shee nyaáŋ shí yii, a wìr dzə́ kitávín, a she ndzəʼə́n shí fó a dzə̀ kinjuùmé.

Ŋgaà Tàrvìnyò 11:2

Ku jàv kéŋ yée, e tìír e wíri jeéy jeéy, bìʼ fo bó à yòʼ kiìn kinyo ke a dzə̀ kí kòóy é wòŋ.

Ŋgaà Tàrvìnyò 2:24

M yén ji kinyo ke juŋ ke a dzə̀ wìr yiì kí yòʼ dzə̀, e shaà ji wù wáa yi, a no, e kfə̀n a yu vijuŋ ve lìm rə́. A m yén ji kù dzə̀ á fómo Nyùy bèn.

Ŋgaà Tàrvìnyò 3:13

Kí kfə́n a dzə kijuŋ ji wìr dzə̀m kú a yinín, a nonín, a yu vijuŋ ve lìm ye wù lìmèn, bìʼ fo kù dzəə̀n fómo Nyùy.

Ŋgaà Tàrvìnyò 5:18

Ke m yenen kém kí dzə̀ jii, kí bòŋ ji wìr wáa yinín, e kfə̀n a nonín, a yu vijuŋ ve lìm rə́ ye wù lìmèn é sar shùy fèn, e kù a yu bèy, e bǎm vishiíy vee vishàr ve Nyùy lèmèn wun sho, bìʼ fo kee shooy ki dzə̀ və́ vee vilaámé ve Nyùy foon.

Ŋgaà Tàrvìnyò 9:7

Kí nén a dzə jii, kú a yi viyíkìr vé vi, a yu vijuŋ vi, a no meluʼ mè, é wúné wáa bòŋ wò, bìʼ fo kin ki dzə̀ kinyo ke Nyùy kù yenen ji dzə̀ à wàa yiì.

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Aysaya 49:5

Nyùy Tàr‑iì shàv ne mo, e bàʼtí ji wír və lìm, é bo yè wor wìy a dzəə́ mo. Wù‑uù shòʼ mo ji m báʼtí á rám Jakov, aá kfə́n fo wun wùn, e shòʼ ji m li wír veé Isray, aá bánén, e wìy, e yèn wun. Bùʼ wun mo, a kù távir wun mo. Wun woo Nyùy Tàr wáa suúy e mò jii,

Aysaya 61:10

M yíi a sheʼrí Nyùy Tàr é ŋàŋén, shilív shém shí yíi a wùʼsì Nyùy wom. Wù lùŋèr ne mo, e kwàŋrì vinyo vém, e bòyìr mo, wáa dzə mo wù màʼ a dzə̀ kikúm ke fíy ki e mǒ wùn, m wáa dzə moo lum jìn wo wù naŋsin wún, a dzə moo jín wo wù wayrin wún e vifá ve sùsù vi.

Joel 2:23

Éè wìr veé Sion, vèn wáa sheʼrí. Vèn wáa yu vijuŋ ve vinyò ve Nyùy Tàr woo Nyùy won yiìn e vèn ví. Wù yiì ne, wuú mbìyi gbú, e fíʼ dìn ji wun yù ne tóŋ yén. Wù sə̀ʼə́r ne wuú mbìyi, e sə̀ʼə́r yé bàmé, yí ku lò ben e mbòŋén, kù mo yí‑iì rə́si ló.

Sekariya 14:21

Kíŋ e dzə̀m yeé Jerusalem wùn à yeé Judàa wíy a dzə jeéy ji yé Nyùy Tàr woo Taà Mànjòŋ. Wìr dzə̀m wo wù wíy a wìy ji wù yii cu, wíy a lì, a naá nyam cù sho. Ghán sin si wíy gheén, é la ŋgaà wày yòʼ dzə́ə a dzə e Nyùy Tàr woo Taà Mànjòŋ lav cù, a kavnín wáy.

Ŋwàʼ Luk 11:41

Ke vèn kì yíi a yiì ki dzə̀ jii, vèn wáa jàv vifá ve vèn kérí e vé ŋgeʼe, é melív men mè nèn a ran ranén vinyo vidzə̀m.

2 Korin 8:2

Vinyo ve tavkín ví rə́si kooy áwune, yii bèy, aá kù yòʼ shéʼri Nyùy ghán sidzə̀m. Mo áwune fə̀m ghíy ghiyín, á kù kér shií féyì, ŋev vibam vév ji á sə́ á wír ámóʼó shó.

Filipi 3:4

Yii bèy, a kì kòŋ mo, m wàa sùmrì wún é vinyò foo fèy. A wìr lò, a sùmrì wún ji dzə̀ wun wàa tiy sho, a wun kì kinyo ke wun yii, bo m kì, e shaà ŋgaàŋ.

Ŋgaà Yen 11:10

a seŋ ji sà kpù rú wír vìn a. *Aŋgàa ntum Nyùy vee abaà víne‑eè mùm á vinyo feyì, kitú ke nsay ki yén ŋgeʼ ŋkóŋkóŋ. Aá nèn a seŋ bèy, a nyàvnìn, a yinín.

1 Samuel 25:8

Wù dzə́r á aànshìy vəə́, aá naari á e wun. Vèn nén a wìy a e kishiíy ké ŋkàʼ ben, m wáa yòŋ a ji wù səə́sí á ven kijuŋ. Kii wun, wù ku fò á vé lìm və́ wùn à wan və woo Davir kifá ke wù kérí.»