Nehemia 8:1 - ŊWÀʼ NYÙY

¹ Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.

Nehemia 8:1 Iomraidhean Croise

2 Afòn 23:2

à wír veé Juda wùn à veé Jerusaleme, aàtàá cùu, aàŋgàa ntum Nyùyi, e bóo lì wir dzə̀m, à wo kuʼùn, à wo terí. Wùn à fòn nèn kòʼ e Nyùy Tǎr lav. Wù dù, e yòŋ jí se sí‑iì dzəə̀n é Ŋwàʼ Mensàŋ wo vé‑eè boŋen fo Nyùy Tǎr lav, a wù yòŋ bèy, aáwune yuúri.

2 Wòŋ 34:15

Wù nèn sùúy e Shafan woo ŋgaà saŋ jii, «M bòŋ ne Ŋwàʼ Nsər Nyùy fo Nyùy Tǎr lav.» Wù suúy bey, e nèn fò ŋwàʼ e Shafan.

2 Wòŋ 34:30

à wír veé Juda wùn à veé Jerusaleme, aàtàá cùu, à wír veé ram Levìi, e bóo lì wir dzə̀m, à wo terí, à wo kuʼùn. Wùn à fòn nèn kòʼ e Nyùy Tǎr lav. Wù dù, e yòŋ jí se sí‑iì dzəə̀n é Ŋwàʼ Mensàŋ wo vé‑eè boŋen fo Nyùy Tǎr lav, a wù yoŋ bèy, aáwune yuúri.

Esra 7:1

Mo vinyo vìn vi shaàn, wáa dzə, a sí sáʼ Artakerkes vifon veé Persia, wìr wùmòʼ wáa dzə, aá yoŋ ji Esra, a dzə̀ wír woó kfəə Aaron woo taà cù wo kuʼùn. Esra və̀n‑eè dzə̀ wan Serayia wo yì‑iì dzəə̀n wan Asaria, woo wan Hilkia.

Esra 7:10

Esra‑aà du bèn, a wù‑uù yiì ne tìír vifií və́ a dzə̀ ji wun yéʼéy á Ŋwàʼ Nsər Nyùy Tàr, a yiì mo wú suuyì, a dùŋrì sáʼ Nyùy wùn à nsər se Nyùy si e wír veé Israyi.

Esra 7:11

Fòn Artakerkes‑iì fò ŋwàʼ e Esra woo taà cù, a kfə̀n dzə̀ ŋgaà dùŋrì wo wù‑uù yeʼeyin ne vinyo vee kùm nsər se Nyùy wùn à sáʼ Nyùy ye wù‑uù foon e wír veé Israyi. Ŋwàʼ və̀ne dzə̀ jii:

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.

Nehemia 12:26

Wír vìne‑eè yii lim yév é ghan se Joyiakim‑eè sáʼá, Joyiakim woo wan Jeshua wo yì‑iì dzəə̀n wan Josadak, aá kfə̀n‑eè yii e ghan se Nehemia‑aà dzəə̀n taà saʼ, e kfə̀n yiì e taà cù woo Esra ghan, Esra wo kfə̀n‑eè dzəə̀n ŋgaà dùŋrì.

Nehemia 12:37

Á meé é Shùu Kày wo wú kiʼ dàn, e nèn tèém, e kòʼ tìítiy e nsèʼtì seé Ŋkàlaʼ Davir, e kibiʼtí ké kày, e shaà e mbìv kùy ntoʼ Davir, e nèn dù e Shùu Kày woó Dzəə̀ Ndzə̀v, e mbìv yee fo shùy yii tó.

Nehemia 3:26

e bóo lì vé lìm veé lav cù ve á dzə́ e gwan Ofel. Wùn áwune‑eè nàŋsín virə́ʼ, e dù, e meé e ŋkìʼnìn Shùu Kày Ndzəv fo kirùmèn ki somènè, e mbìv yee fo shùy yii tó.

Nehemia 8:16

Á bèy, wíri ku nèn fəə̀, e dù, e wìy e vifá vee shooy vi, e fèr táv sév shó. Aámóʼó fer sév aáwuné vitu ve lav, ámóʼó aáwuné maàndzə, ámóʼó é maàndzə yeé lav cù, ámóʼó é maàndzə yeé Shùu Kày woó Dzəə̀ Ndzə̀v, aámóʼó fer sév é maàndzə yeé Shùu Kày Efrayim.

Nehemia 8:3

Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Cù 9:5

Á ku nèn wìy e vifá ve Mooser yòŋèn ví, e bàʼtí e shùu *kibàn ké ntàsín. Wìr dzə̀m woó Isray kóʼtí fó mentsə̀m, e tìím e Nyùy Tǎr si.

Malakay 4:4

«Vèn kuúmé nsər wùn à ntò se yeʼéy se mò‑oò foon e wìr wom lìm woo Mooser si. Nsər se mò‑oò foon e wun e Gwan Horev ji wù yéʼéy wír veé Isray sho adzə̀m.

Matio 13:52

Wù suúy jii, «Dzə̀ rú, wìr wo wù sí yéʼey kinyo ke saʼ Nyùy ye yí wiy lèn, ŋgaàŋ dzə̀ moo taà laʼ wo wù kér ambùʼmé vee fó ŋgùʼ wùn à vee lène e wùn kitàv. Wù lo, wù fə̀ə́r wo wù gheenen wun e ghan se wù kòŋèn.»

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

Matio 23:2

«Vé‑eè lèm wír ve á duŋrì nsər wùn à veé mbìv *Farasii ji á wáa sanrí nsər se Mooser.

Matio 23:34

«Vèn yuúrí, m wíy tum wír ve á wáa yu kinyo fo Nyùy, a fìʼtì e vèn, e kfə̀n tum ve dzə̀ á dùŋrì kijuŋ, e tum sa wír ve Nyùy foon vifií aáwune. Aá wíy wìy, é vèn wáa ta ámóʼó é vintam, a yuyrí ámóʼó yuyrín, a koo ámóʼó é ŋgày se bùnrì, a buʼ, a ròn wuú wìr vìn ntèʼ sidzə̀m.

Remrí 31:11

Kù dzə̀ ghán se wìr dzə̀m woó Isray kóʼti e Nyùy Tàr woo Nyùy wón si, e kirə̀ʼ ke wù wíy shoʼ. Ku nèn a dzə e ghan sin se vèn kù wíy a yòŋ Ŋwàʼ Nsər və̀n e wír veé Israyí si adzə̀m, aá wáa yu.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Atǎr Nsaʼ 20:8

Wìr dzə̀m woó Isray ŋáʼáy é yuv, e bìnèr jii, «Bó wìr yòʼ dzəə́ kfə́n e bàm e wun laʼ gheéy.