Nehemia 7:71 - ŊWÀʼ NYÙY

⁷¹ Atǎr kfəə ámóʼó sùʼ vifá vée tom lim sho, e wày é kitàv ké lìm, a yì‑iì dzə̀ kisha ke mbàm ke baar kí moo kilu nshòv waamé e mntuùfú e wiì bey (168), wùn à kisha ke mbàm ke fəvír kí moo kilu kishóv mtàn e ghiì baà é nsə̀kì (1,250) bèy.

Nehemia 7:71 Iomraidhean Croise

1 Wòŋ 29:7

Áwune‑eè fò vifá ve á náŋsín lav Nyùy sho, a ví dzə̀ jii, kisha ke mbàm ke baar kí, a kí shaá aton kishóv msaàmbà e wiì (170), e kfə̀n fò sá mbàm see kisha ke baar kí, a sí dzə̀ nsə̀kì e ghvə̀m (10,000), e fò ke fəvír kí, a kí shaá aton kishóv mkweè e ghiì taár (340), a kee brons ki dzə̀ moo aton kishóv mbaà é ghiì ntuùfú (620) bey, e bóo lì kisha kee kiy, a kí shaá aton kishóv ghii kweè aànsə̀kìi ataár (3,400).

Nehemia 7:70

Vilìmbìy ve kfəə vímóʼ ví‑iì suʼ vifá vé a tom lim sho. Ŋgaà saʼ woó kishev ke wòŋ‑eè fó *kisha ke mbàm ke baar kí moo kilu waamé bey, à vighín ví mtàn (50), à vikúm vé atàá cù vi kishóv mtaár e ghiì tàn (530).

Nehemia 7:72

Kifá kidzə̀m ke kibér ke wíri kí‑iì foon kí‑iì dzə̀ kisha ke mbàm ke baar kí moo kilu nshòv waamé e mntuùfú e wiì bey (168) wùn à kisha ke mbàm ke fəvír kí moo kilu kishóv mkweè e wiì bey (140), e bóo lì vikúm vé atàá cù nshòv saàmbà e mntuùfú (67).

Ŋwàʼ Jov 34:19

Nyùy yòʼ kì medzə̀jeéy fo atǎr wòŋe, a bó wù yòʼ yén ji ŋgaà mbàm shaà a ŋgaà kitàn, kù‑uù bòm wun wír vìn adzə̀m.

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.