Nehemia 7:5 - ŊWÀʼ NYÙY

⁵ Nyùy nèn kùm shilív shém ji m báʼtí á wíri wùn à vilìmbìy vév ví, à vé saʼa, e sàŋ á yír sév mo kfəə́ si dzə̀kìn. M tombìy yèn ŋwàʼ kfəə se sí‑iì wìyìn mbìy, aá sáŋ shó jii,

Nehemia 7:5 Iomraidhean Croise

Esra 2:62

Wír vìne dzə̀, a vé‑eè tàʼ kifá ke kí tóʼór rám yév, e làa yòʼ yen. Á nèn fə̀ə́r áwune fó ŋgoo atàá cù ji bó áwune yòʼ dzə̀ á aránén.

Esra 7:27

Búríi wáa dzə fo Nyùy Tàr woo Nyùy atàr vér, wo wù wayin kwaʼtì yee moo rən e fòn shiliv, ji á fiʼ yiì lim yee Nyùy Tǎr lav ye yì dzəə̀n é Jerusalem.

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

Nehemia 6:14

Éè Nyùy wom, kuúmé kinyo ke Tobia wùn Sanballat yiìn kí, e màʼ ŋgeʼ aáwuné kitu. Màʼ sá e wiíy woo Noadia kitu, à kibér ke aŋgàa ntum ve wùn áwune taʼ a bemér moó.

Nehemia 7:4

Ŋkàlaʼ Jerusalem rə̀n‑eè dzə̀ e kuʼùn féyì, a wíri dzə̀ fó ashàr, a bó á yòʼ‑oò ló ne bòm lav si sinín.

Nehemia 7:64

Wír vìne‑eè dzə̀, a vé‑eè tàʼ kifá ke kí tóʼór rám yév, e làa yòʼ yen. Á nèn fə̀ə́r áwune fó ŋgoo atàá cù ji bó áwune yòʼ dzə̀ á aránén.

Ŋgàn 2:6

Rúrú, kù fó Nyùy Tàr vifií ve ru ví. Kù yii jí sə́, é bo wìr wáa kiíy vinyo, e kfə̀n a gwàrìr vinyo kijuŋ.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

1 Korin 15:10

Yii bèy, Nyùy kú a kòŋ mo, a sham mo, bo m wáa dzə mo m dzəə̀n lèn bèn. A bó nshámmé və woo shooy yòʼ‑oò lo lày kisáŋ. M lò kém fó fo, e nèn lìm, e shaà aŋgàa ntum Kristu ámóʼó adzə̀m. A bó yòʼ dzə̀ ji mò‑oò yii lim rə̀n a dzə̀ fo mǒ vitaaví. Mò‑oò lim a dzə̀ mo Nyùy‑iì buʼ mo, a m limè.

2 Korin 3:5

A bó yòʼ dzə̀ ji vèr kér a vitaáví vée yiì kinyo kímóʼ kí ji yiì a ver. Kù fó Nyùy vitaáví, bo vèr wáa yiì vinyo ve á yii vidzə̀m, é ví wáa shemsín.

2 Korin 8:16

M beerì Nyùy feyì mo wù yiìn, shilív shé Titur shi wáa lùm fo vèn ghán sidzə̀m mo shém shí lumè.

Kolosia 1:29

M ku nèn wày ŋàŋ, a ghìtìr e kinyò foo fèy. A m yii a dzə̀ mo Jesus Kristu fó mo vitaáví və́ ve ghaʼán ví, a ví lim e mǒ wùn.

Jeem 1:16

Afə̀r vem, vèn wáa yen fó a boʼtí vitú vén.