Nehemia 7:4 - ŊWÀʼ NYÙY

⁴ Ŋkàlaʼ Jerusalem rə̀n‑eè dzə̀ e kuʼùn féyì, a wíri dzə̀ fó ashàr, a bó á yòʼ‑oò ló ne bòm lav si sinín.

Nehemia 7:4 Iomraidhean Croise

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

Nehemia 11:2

Wír ámóʼó nèn kfə̀n shòʼtí vitú vév ji á yíi a dzə a e Jerusalem, wíri wáa burí áwune adzə̀m.

Nehemia 7:3

M nèn yòŋ aáwune ji á wáa yen a fóo wìy mvə̀ʼ shuu se kày yeé Jerusalem, a bó shùy lúm. Mo vé shìy veé shùu kàyi kù wíy a tiy fo, bo á kù wíy a sətí shuu se kày e ŋkuùr, a fìnrì e kóŋ sé mfìn si. M kfən yòŋ ji áwune shóʼtí á wír veé Jerusalem ámóʼó, aá wáa shìy a sa virə́ʼ vee jeéy vímóʼ ví, aámóʼó wáa shìy a dzə̀ á gháŋ se laʼ sév.

Nehemia 7:5

Nyùy nèn kùm shilív shém ji m báʼtí á wíri wùn à vilìmbìy vév ví, à vé saʼa, e sàŋ á yír sév mo kfəə́ si dzə̀kìn. M tombìy yèn ŋwàʼ kfəə se sí‑iì wìyìn mbìy, aá sáŋ shó jii,

Aysaya 58:12

Wón véné kfə̀n wíy bàʼrì ŋkà se laʼ sén se sí siìn é vifə̀m, e kfə̀n siìr kinsə̀ŋ ke vé‑eè wayin ne fo ŋgùʼ. Á wíy a yòŋ ven ji wír ve á náŋsin virə́v ve ví keèsìn, a yòŋ ji wír ve á náŋsin dzə́ə sí é mvə̀m sé laʼ ji wíri wáa dzə fo.»

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.