Nehemia 7:2 - ŊWÀʼ NYÙY

² M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

Nehemia 7:2 Iomraidhean Croise

Kèʼlo 42:18

Vishiíy ví rún ji vitaár, Joosev suúy aáwune jii, «M dzə̀ wír wo wù fan Nyùy, a kinyo ki dzə̀ shó kimòʼón ke a vèn yiì, bo á bòy ne.

2 Samuel 23:3

Nyùy wìr veé Isray sùŋnín ne, Kilán ke wìr veé Isray ki sùúy e mò jii, ‹Taà saʼ lóo fàn Nyùy, lóo saʼ wíri tìítiy,

1 Afòn 18:12

M yòʼ kì fo dzə̀ Kiyoy ke Nyùy Tàr kí lì wò, e dù sho, a bó m yòʼ dzə̀ə́ wòsò. A m lòo dzə, e dù, e sùúy e Fòn Ahav, wù taʼ wò ntéŋ, bo wù yùyrí ne mo woo kwàn wó. M dzə̀ ben, a mò‑oò kèʼ ne, a ghvəm Nyùy, e kèʼ fo meterí.

1 Afòn 18:3

Ahav nèn lò, e tòóy Obadia wo wù‑uù leey ntoʼ. Obadia və̀n‑eè dzə̀ wír, a wù ghvə́m Nyùy Tàr é ŋàŋ.

Nehemia 1:2

Hanani woo fə́r wom wùmòʼ wùn à wír ámóʼó wìy fo Juda. M wáa dzətí vinyo ve wìr veé Juda ve vé‑eè bòyìn fó koo ye vé‑eè koorin áwune, e kfə̀n é bàm. M kfə́n a dzər sa vinyo vee kùm Jerusalem.

Nehemia 10:23

à Hoshea, à Hananiya, à Hashuv,

Nehemia 13:13

M shóʼ taà cù woo Shelemia wùn Tsadok woo ŋgaà saŋ, à Pedayia woo wír woó ram Levi ji vé kitàví, e shòʼ ŋgaà ntom wov, a dzə̀ Hanan woo wan Sakkur, wo yì‑iì dzəə̀n wan Mattania. Wír vìne‑eè dzə̀ vé suuyruú. Lim yéví nèn a dzə ji á wáa jàv a vifá aàfə́r véví.

Nehemia 2:8

A dzə̀ á kfə̀n fò sá wúmóʼó wo m du shó, e fò e Asav, wun wo wù leey kóv woó ntoʼ, ji wù yiì fò á vicí ve m wáa fèr shuu se lav ye yì téʼtin lav cù, à sé kày ye yí kaári ŋkàlaʼa shó. Wù fó sáa ve m baʼri lav yee fo m yíi a shiíy. Mo Nyùy wom‑eè tíy e mǒ kitu, fòn ku nèn yiì kinyo kidzə̀m ke mò‑oò lonen.

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Nehemia 7:3

M nèn yòŋ aáwune ji á wáa yen a fóo wìy mvə̀ʼ shuu se kày yeé Jerusalem, a bó shùy lúm. Mo vé shìy veé shùu kàyi kù wíy a tiy fo, bo á kù wíy a sətí shuu se kày e ŋkuùr, a fìnrì e kóŋ sé mfìn si. M kfən yòŋ ji áwune shóʼtí á wír veé Jerusalem ámóʼó, aá wáa shìy a sa virə́ʼ vee jeéy vímóʼ ví, aámóʼó wáa shìy a dzə̀ á gháŋ se laʼ sév.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Nsùyrì Nyùy 101:6

M kù yíi leéy a dzə̀ wír veé wòŋ vee jwáʼ, e bóo lì ji vèr áwune wáa rəsí e ntoʼ. Wìr lóo dzə woo là nsem, bo dzə̀ wo wù yíi a lìm fo mò.

Ŋwàʼ Fəə 18:21

Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m.

Daniel 6:4

Vitú ve saʼ vi nèn tàtí wùn à kibér ke vé saʼ ki, e kèʼ, a shweʼ ji mo Daniel lim vinyo veé wòŋ, á sà‑áà yén kintéŋ ke kinyò sho a. Á leéy, e làa yòʼ yen, bìʼ fo Daniel‑iì dzəə̀n wir suuyrú, a wù yòʼ‑oò kér kintéŋ ke kinyò.

Kintaŋ 12:7

A bó ké Mooser woo ŋgaà lìm wom kí yòʼ dzə̀ bey. Wír vén veé Isray adzə̀me kù sì e wun kiwo.

Matio 24:45

Jesus nèn lò, e dzə̀r jii, «Wánlè wìr woo jwáʼ, wo wù kér vifií, wo dzə̀ tàr wov lèm láʼ sho ji ghán sí gheenè, wù jàv vifá ve yi e vé lìme dzə̀ woó le?

Matio 25:21

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

1 Korin 4:2

Kinyo ke kí dzəə̀n é shií kí nén a dzə jii, wìr wo wù leey fo wìr kifa kú a yiì a dzə̀ á mo ŋgaà kifa suuyì.

2 Timoti 2:2

Kú a kuumé kinyo ke wò‑oò yú, a m fiʼtì, a wíri tíy, yú anín ki. Ku lì kinyo kee shooy ki lèn, e wày e wír ámóʼó wo ve à kiìn ji dzə̀ wír vee jwáʼ, aá wáa yeʼéy sa wíri shó.