Nehemia 7:1 - ŊWÀʼ NYÙY

¹ Mo á bomen kay, m kfən wàyrí shuu sidzə̀m mo sí kér fó a dzə, á nèn lèm wír ve á shiy shuu si, e kfə̀n lèm vé yòvi, à wír veé ram Levìi, aáwuné virə̀ʼ vé lìm.

Nehemia 7:1 Iomraidhean Croise

2 Afòn 7:10

Áwune nèn kfə̀n é ŋkàlaʼ, e yòŋ anshìy veé shùu kày, e sùúy jii, «Vèr dù e wír veé Siiriàá kilaʼáy, bó vèr yoʼ yèn wír, bó vèr yoʼ yù kikum ke wìr. Kù mày nyám se ŋkoʼ wùn à vimbèʼbìy ví ve ví tsə́ŋ fo, à táv sév sí, se sí kù tíy fo bèy.»

2 Wòŋ 31:2

Fòn Hesekiya yiì lò, e sìysì vinyo ve atàá cù wùn à vé wìr veé ram Levìi. Wù‑uù jàvtì áwune áàkáŋ aàkáŋ mo kí‑iì dzəə̀n ji lim yéví wáa dzə, a yí‑iì dzə̀ jii, á wáa yiì a cu se tonèn sí, a yiì sé kikòŋnìn, a yiì lim seé lav cù, a yòv luŋ si é shuù se vibùʼ, a sùyrì Nyùy sho, a fo vibeerì e wun.

Esra 3:8

Wáa dzə e ŋwee woo baà fó kiya ke kí‑iì meen ji baà mo áwune‑eè kfənen é Jerusalem, e kirə̀ʼ ké lav Nyùy, á nèn kèʼ lim ji á kfən bàʼrì a lav Nyùy fo. Wìr dzə̀m wo wù‑uù kfənen é Jerusalem tátí, a lìm, e kèʼ fo Serubbabel woo wan Shealtiel wùn Jeshua woo wan Josadak, e lì atàá cù wùn à wír veé ram Levi adzə̀m. Áwune‑eè lèm wír veé ram Levi vee kèʼ fó kiya mbaà, a koʼ koʼón ji á wáa leéy a kibaʼrì ke lav Nyùy Tàr ye á kfə̀n baʼrì rə̀n.

Nehemia 10:39

Dzə̀ fo wír veé Isray wùn à veé ram Levìi kù yíi a dù, a lèm nsùʼ e dzə̀m, woo vifá ve yi wùn à woo meluʼ, à woo meŋgvə́r. Vitáv vee shooy vi dzə̀ fo á yii lem vifá ve ker veé lav cù, a kfə̀n dzə̀ fo atàá cù wùn à wír ve á leey lav cùu, à vé yòvi, yii dzə́. «Vèr yòʼ ghán màʼày lav Nyùy wor gheéy.»

Nehemia 11:3

Vilìmbìy ve kishev ke wòŋ ke dzəə̀n ji Juda ve ví‑iì dzə́ e Jerusalem vi víne. Yii bèy, kùʼùn wìr veé Isray wùn aàtàá cùu, à wír veé ram Levìi, à vé lìm veé lav cùu, e lì rám aŋgàa lìm Solomone kú a dzə kév é mvəm sé laʼ seé Juda, a wìr kù‑uù dzə́ a dzə̀ fo vitsə́ʼ vé tàr wov ví dzəə̀n,

Nehemia 12:24

Vilìmbìy veé ram Levi vee ji Hashabia wùn à Sherebia, à Jeshua woo wan Kadmiel, e lì afə́r vév ve wùn áwune‑eè tíy, kiʼnìnè, vé‑eè suyrì Nyùy, kfə̀n beerì wun, a mbìv yìmòʼ maʼà, a yìmòʼ kooyì, kù mo Davir woo wir Nyùy‑iì saʼan ji á ku yiì.

Nehemia 6:1

Á nèn lò, e duù e Sanballat wùn à Tobia, à Geshem woo wir Arab, à kibér ke aŋgaà vér vibàné ji m bàʼrì ne a kay, a bó shintoʼòn shi yoʼ waà dzəə bèr, aá yoŋ bèy, a bó m yóʼ ne fə̀m wàyrí visəŋ e shuù si.

Nehemia 6:15

Á bèy, á nèn màysì kimbom ke kày e kishiíy kee nshòv sitàn e mbaà fó ŋwee woo Elul, aá lím ne kay kishiíy nshòv sibaà e mtàn.

Nehemia 6:19

Wíri kù‑uù wiy, fèr vinyo ve juŋ ve Tobia yii e mǒ si, nèn kfə̀n du, bí wun vinyo ve m suuyì. Wù ku nèn a saŋ aŋwàʼ, a bemér mo shó.