Nehemia 6:9 - ŊWÀʼ NYÙY

⁹ Áwune‑eè taʼ e bemér ver bémérín, kér e kwàʼtì ji wó yérí lo, e weèy fo lìm fèn, é yí tiím. Yii bèy, kí ku nèn tàvír mo távírín.»

Nehemia 6:9 Iomraidhean Croise

2 Wòŋ 15:7

Kén kí nén a dzə jii, vèn wáa tiy a kitávín, é la melív men mè yòʼ a seèm, bìʼ fo lim yéné yíi a ker vilaámé.»

2 Wòŋ 32:18

Atǎr ntoʼ Fòn Sennakerivi nèn a yòŋ kinyo ke kí‑iì dzəə̀n é ŋwàʼ kìn, a waamé waamén é Lǎm Hibru ji wír veé Jerusalem ve á dzəə̀n é kitu ke kàyi yú, lóo fàn, lóo yàʼ, aáwune fiʼ nə̀ə́ a fo tèr, e faàsì ŋkàlaʼ.

Esra 1:6

Wír vee áwuné shweesií nèn tòm áwune e vifá vi. Vé‑eè fò vifá ve ker ve á fèrìn e kisha ke mbàm ke fəvír kí wùn à vee kisha ke mbàm ke baar kí, e fò vifá veé shií wùn à nyám si, e kfə̀n fò afómo veé kilùm ámóʼó, e bóo lì vifá ve á foon ji cu kimbòŋwùné.

Nehemia 6:14

Éè Nyùy wom, kuúmé kinyo ke Tobia wùn Sanballat yiìn kí, e màʼ ŋgeʼ aáwuné kitu. Màʼ sá e wiíy woo Noadia kitu, à kibér ke aŋgàa ntum ve wùn áwune taʼ a bemér moó.

Nsùyrì Nyùy 138:3

Mò‑oò tòŋ e wò, à yú tóŋ yém, e tàvír shilív shém, e fò mo vitaáví.

Nsùyrì Nyùy 56:3

M lóo dzə, lóo fàn, m kù a tiír vifií a dzə̀ e wò wùn.

Nsùyrì Nyùy 68:35

Wù dzə́ e wun kirə̀ʼ, a fóo beéme beèmén. Dzə̀ wun woo Nyùy wìr veé Isray. Fó wun vitaáví e wír vəə́, távir wó yév. Vèn wáa burí Nyùy.

Nsùyrì Nyùy 71:1

Éè Nyùy Tàr, m kù lir a dzə̀ e wò wùn. Lá à yòʼ màʼày mo, é m wáa woomé.

Aysaya 40:29

Kù yii fó wun vitaáví aànjoó, távir wír ve á dzəə̀n là kitar.

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Jeremia 38:4

Vé saʼ vìne nèn dù, e bùn fon jii, «Á ku lì a jwè və̀n, e dù sho a e kisəə. Wù semèr a kóy vé rər ve á berin á e ŋkàlaʼ fèn e vinyo ve wù táŋri vi, kfə̀n semèr a wó wìr dzə̀m. Bó kfə́ kí yòʼ dzə̀ á ji wun sə́ wíri, wù bá kfə́ a dzə̀ á menàŋ.»

Esiker 30:24

M yíi fo vitaáví e fòn woó Babilon, e way nyùy yem rə̀r e wun kiwo, a ké Farao, m kù yíi beʼtí kóy sə́, é wù wáa dzə̀m e fòn woó Babilon si moo wír wo á lemerin, ye tàm wù kpù.

Sekariya 10:12

Mo woo Nyùy Tàr, m wíy luŋ wír vém, aá wáa dzə antav, e yiì, aáwune wáa ghan e mǒ mbòv. Suuy mo woo Nyùy Tàr.»

2 Korin 12:9

M lóné, wù kù sùúy ji wun yíi a shìy a mò, a sə mo, lá m yòʼ dzə́ə a shii a kinyo kímóʼ kí, bìʼ fo wìr yii búŋ vitaáví, bo wù yú mo vitaáví vé wun woo Nyùy vi lim e ŋgaàŋ wùn kijuŋ. M nén a sheʼrí ndzə́m wom woo shoon e ŋàŋ, é vitaáví vé Kristu vi ku màysì, a lìm e mǒ wùn.

Efesor 3:16

Mo dzəə̀n wun wo kuʼùn, a vifá vidzə̀m vi dzə̀ a dzə̀ e wùn kiwo, m nén a lon ji wù ku yiì, é Kiyoy kfə́ kí wáa tavír ven, é vèn wáy gháŋ, é melív men mè wáa lùm e wùn kinyò ghán sidzə̀m.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Hibru 12:12

Ven ve ŋgeʼ si lóo koóy, wó yéné nèn weèy, vèn ghár Nyùy lèn kitávín, a tiy a dzə̀ vèn áwune.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

1 Samuel 30:6

Davir nèn lò, e nə̀ə́ é ŋgeʼ ye tavín, bìʼ fo wír və́ adzə̀me‑eè sí dzə́ ji á lo, e tsəmrí wun e tíyí. Kí‑iì nyàr áwune féyì mo vé‑eè kuuyin wón vév, e dù sho. Yii bèy, Davir ku tìír a dzə̀ Nyùy Tàr woo Nyùy və fó mbìy, wù távír wun.