Nehemia 5:9 - ŊWÀʼ NYÙY

⁹ M nèn shaà fo mbìy, a suúy jii, «Kinyo ke vèn yii ki yòʼ gheenè. Vèn kì yíi a fàn Nyùy wòsən, a ghan e wun mbòv fo vèsən shoór kitú, é vitúm vee aŋgaà vesə́n vibàné wáa jàʼ vèsən.

Nehemia 5:9 Iomraidhean Croise

Kèʼlo 20:11

Abraham bìnèr sho jii, «Mò‑oò rəm jii, bó fan Nyùyi yòʼ dzə̀ á e wòŋàn, fə̀m à shishàr sho. A yì‑iì dzə̀ á yùyrí mo bìʼ wíiy wom.

Kèʼlo 42:18

Vishiíy ví rún ji vitaár, Joosev suúy aáwune jii, «M dzə̀ wír wo wù fan Nyùy, a kinyo ki dzə̀ shó kimòʼón ke a vèn yiì, bo á bòy ne.

2 Samuel 12:14

Yii bèy, wan wo vèn dzəən və̀y kù kér fó yìi kpu, bìʼ fo à yiìn ne, aŋgàa vibǎn Nyùy Tàrí báʼám é bǎm kinyò fèn, a tàʼ wun ntéŋ.»

Nehemia 4:4

M nèn a bùnrì jii, «Éè Nyùy wor, yuúrí, e yù, á sí ŋwáy ver ŋwáyín. Siìr jí sév sí aáwuné kitu, e tsə̀nsí áwune é kwaʼ nsàm, aá du, a rèŋ vikwàn.

Nehemia 5:10

Vèr aàfə́r vémé, à vé lìm vémé foor sa wíri mbàm wùn à vifá ve yi vi. Vèsən maʼti séʼ wóo kù a dìy ji á sə́.

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Nsùyrì Nyùy 90:11

Kìíy ne la mo vitaáví vé kilòŋ ke kí shwiiy wò vi dzəə̀n? Kìíy ne la mo dzə̀ dòʼshwiiy wò yiì, wìr wàa fàn, a yàʼ?

Ŋgàn 16:29

Ŋgaà melaà lévti ŋgaà shweèsí və, lévti, wù wày é ŋgeʼ.

Ŋgàn 17:26

Dzə̀ kinyo ke bi kí fóo way lànjò é ŋgeʼ, a kí yoʼ ghèén sa ji á dzəv ŋgaà yiì ye juŋe.

Ŋgàn 18:5

Dzə̀ kinyo ke bi kí fóo bìn nsaʼ, e fo e ŋgaà jay, e bvəʼ ghay wìr woo là jay.

Ŋgàn 19:2

Kí yoʼ bòŋ ji wìr wáa ker shilív, a buŋ vifií. Wìr girì, wù tò é kinyò ke bi kí.

Ŋgàn 24:23

Ntir se afiì símóʼ sí sìne. Kí yoʼ bòŋ, e dìn medzə̀jeéy é ghan sé nsaʼ.

Esiker 36:20

Á du e kitum, a fə̀m‑eè dzə̀ feé, á shòór yír yém ye ranéné, wíri wàa ghaynín jii, wír vìne‑eè dzə̀ wír Nyùy Tàr, yii bèy, e kù siì fəə̀ fo wun nsay.

Cù 25:36

Lá wìr yòʼ a sə séʼ fo ŋgaàŋ, kìn vidzəsì. Vèn wáa dzə, a fàn Nyùy won, é ghéʼncey fiʼ yù fó a dzə e věn mvəm.

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

Ŋwàʼ woó Rom 2:24

A dzə̀ kíwun ke vé‑eè saŋen é Ŋwàʼ Nyùy jii, «Wír ve bó yòʼ dzəə̀n veé Judàa leey Nyùy ntéŋ, a kù yii ven vee wír veé Juda.»

1 Timoti 5:14

Ke m suuy ki dzə̀ jii, vikǐy ŋkfə vee wónlèé wáa tàʼ a alúm vév, a dzəə́ wón, a leéy a fo kfə́ə. Á lóo yiì bèy, é la á yòʼ dzəə fò kintóʼ, áàŋgàa vibàn vesəné wáa roòmè vèsən.

Titur 2:5

Aá kfə́n a kiíy sa mo dzə̀ á wàa kwàʼtì kinyo, e bó a yiì, e làa yòʼ a leéy ndzə. Á wáa leéy a dzə̀ fo áwuné nsaàlav kijuŋ, a ker liì wo juŋ, a yu fo alúm véví. Á lóo yiì bèy, é la wìr yòʼ dzə́ə a nyàysì kinyo ke Nyùy ke vèsən áwune tíy sho.

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

1 Samuel 2:24

Àáyǎ wòn vem, kinyo ke m yú, a wír Nyùyi fer ji vèn yii ki yòʼ dzə̀ kinyo ke juŋ ki.