Nehemia 5:7 - ŊWÀʼ NYÙY

⁷ M nèn lèéy kinyo kée yiì. M kùm vilìmbìy wùn à vé saʼa, a roòmè áwune jii, «Vèn jwe, vèn foor afə́r vén mbàm, nyavrì aáwune e séʼ wo vèn shóʼó.» M nèn jàŋ dzəʼə̀m ye kuʼùné bìʼ áwune.

Nehemia 5:7 Iomraidhean Croise

Nsùyrì Nyùy 109:11

Wìr wo wù kaá wun ku koò kifá kfə́ kidzə̀m ke wù kérí. Viŋgwìy vi ku faàsì kéŋ rə́ e dzə̀m.

Nsùyrì Nyùy 15:1

Nyùy Tàr, a dzə̀ wìy rə̀sí la e wò lav cù? A dzə̀ wìy a bùnrì la wò e wò gwan wo ranén?

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.

Nsùyrì Nyùy 27:8

Shilív shém shí sùúy ne e mò ji m wáa beè a dzə̀ wò. A kù dzə̀ mo m yíi a beè wò Nyùy Tàr.

Nsùyrì Nyùy 4:4

Kilòŋ kí shwiiy wír, wù wàa yen fo kinyo ke bi kí nəə́ shó. Vèn wáa yòŋ jí sìn, a kwàʼtì sho, a səʼə́m e ghan se á néŋ e kikun.

Nsùyrì Nyùy 94:16

Wìr wóo sə mo fo wír ve bií dzə̀ shó à? Wìr wo wù fəər mo fo áwuné wo dzə̀ la?

Ŋwàʼ Fəə 22:24

kilòŋ kí shwiiy mo, é m nèn yùyrí ven é shùu rər, é vikìy véné kfə́n ji vikǐy ŋkfə, é wóné kfə́n ji alàtàr.

Ŋwàʼ Fəə 22:25

«A wìr foòr mbàm e wìr wo dzəə̀n ŋgaà kitàn e vém vee wírí mvəm, lá wù yòʼ a ghiʼ ji wù fó á sa séʼ mo wír ve á foor mbàme yii yii.

Ŋgàn 27:5

Kí bòŋ, e tir wír tèéter, e shaà koŋ yeé kilìtì.

Ŋgàn 28:4

Wír ve á ŋwáy nsəri búri a kù dzə̀ wír ve á méŋ Nyùy, a wír ve á yú nsəri sháʼnin kinyo kév.

Esiker 22:12

Wír vén ámóʼó lo, á biìmé, e sə̀ mbàm, e fíʼ yuyrí wír. Aámóʼó fo věn mvəmé foor mbàm aàfə́rí, sə́ seʼ ŋgwaákínyé ji á kuʼkir. Vèn buʼtì vinyo vìn bèn a bó á yòʼ fan mo. Suuy mo woo Nyùy Tàr woo Taà Ndzə.›

Esiker 45:9

Nyùy Tàr woo Taà Ndzə yòŋ aàtǎr saʼ veé Israyi jii, «Kí gheén lèn. Vèn meeme ntáymé, e meèmè nə̀ʼsì. Vèn wáa yiì vinyo vi, é ví wáa dzə tìítiy, a dzə réŋ, e làa yòʼ dzə́ə a faàsì virə́ʼ vé wìr vém. Suuy mo woo Nyùy Tàr woo Taà Ndzə.

Cù 19:15

«Lá wìr yòʼ a tinén nsaʼ, a loʼ kiloʼ. Lá vèn yòʼ a bìn nsaʼ, a fo e ghéʼncey, kìn dzə̀ mó a bìn nsaʼ, a fàn sí ŋgaà mbàm. Á bèy, vèn kú a tinén nsaʼ se afə́r vén, a ker suuyrú.

Cù 25:36

Lá wìr yòʼ a sə séʼ fo ŋgaàŋ, kìn vidzəsì. Vèn wáa dzə, a fàn Nyùy won, é ghéʼncey fiʼ yù fó a dzə e věn mvəm.

Matio 18:17

Wù du, e tèn fó yu kinyo ke áwune suuyì, wù lì kinyo kee shooy lèn, e dù, e neèr e kintatì kí si. Wù kfə́n du, kinènè, á màʼtì dzə́ə rə, a leʼ wun léʼén moo wir kitum, kìn wír wo wù sov mbàm se *bàràʼ.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.

Galatia 2:11

Mo vèr áwune jàvsìn, Pita wìy sìíy, e wìy e Antiyok, m wìy lò, a saʼ wun e wírí si, bìʼ fo wù‑uù jayin kinyo kímóʼ kí féyì.

1 Timoti 5:20

Wáa dzə wo wù jayin rú kinyo, à tìír e kintatì kí si, e sàʼ, é kibér ki fiʼ fìír.

Titur 2:15

Á vinyo vìn ve à kù kér fó yeʼéy wíri shó, a tavír melív mev, a dìn fo wìr jayin. Kú a yeʼéy, a dìn ji à sə́ vitaáví a dzə̀ fo Nyùy, e làa yòʼ biimé, é wìr wáa kay wò.