Nehemia 5:16 - ŊWÀʼ NYÙY

¹⁶ Mò‑oò wày wún, a gisín a dzə̀ é kimbom ke kày yeé ŋkàlaʼ, e làa yòʼ a shii ŋgvən. Aŋgaà vém lìme kù‑uù bàʼtí adzə̀m, a lìm sa fo.

Nehemia 5:16 Iomraidhean Croise

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Nehemia 5:17

Kímóʼ kí sá jii, wír veé Juda wùn à vé lìm bàràʼa kù‑uù yíkir e mǒ nsaàlav wír kishóv mtàn e wiì, e bóo lì wír ve vé‑eè lo, á wìy fó vitum ve ví kaarin ver.

Kintaŋ 16:15

Mooser yú, a shwiíy kilòŋ é ŋàŋ, e sùúy e Nyùy Tàr jii, «Lá à yòʼ səə̀sí cu yév. M yòʼ‑oò ló a nə̀ʼsì wír fo áwune. A fə̀m dzə̀ kimbèʼbìy ké wìr, bo bó m yoʼ faàsì.»

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Galatia 6:9

Lá vèsən yòʼ a dor fó a yiì vinyo ve ru ví, bìʼ fo, a vèsən yii bèy, e làa yòʼ a weèy, bo ghán sí wíy gheén, é vèsən wáa ker dzəʼə̀m yee là may rə̀n.