Nehemia 5:12 - ŊWÀʼ NYÙY

¹² Áwune nèn bìnèr jii, «Vèr yíi siìr, a bó vèr yòʼ dzəə́ yiì a leéy kifá fo áwune. Vèr yíi yiì mo à suuyin.» M nèn kùm atàá cù, e yiì, vilìmbìy vi lìʼ ji áwune yíi a yiì a kinyo ke á kàʼàn.

Nehemia 5:12 Iomraidhean Croise

Esra 10:12

Màŋgòŋ e dzə̀m nèn bìnsí kitávín jii, «Á mo kí dzəə̀n. Vèr kù kér fó yiì a dzə̀ mo à suuyin.

Esra 10:5

Esra ku nèn yòŋ vilìmbìy ve atàá cù wùn à wír veé ram Levi, à wìr dzə̀m woó Isray ji á liʼ á mo nshù kì dzəə̀n. Áwune ku nèn lìʼ.

Nehemia 10:29

Áwune nèn tàtí afə́r vév ve dzəə̀n vilìmbìy, e yiì kilìʼ. Wùn áwune líʼ ji á yíi a yu vinyo a dzə̀ á fo Ŋwàʼ Nsər wo Nyùy‑iì foon aáwune, e shaà fo Mooser woo ŋgaà lìm və, a ghar a nsər se wun woo Nyùy Tàr woo tàr wov, a yu vinyo ve wù‑uù tinen, wùn à sáʼ rəə́, a yiì a mo yí dzəə̀n. Kí búŋ fo bèy, é lǒn Nyùyi shóv aáwune.

Nehemia 10:30

Vé‑eè lìʼ bey, e yòŋ jii, «Vèr yòʼ yíi a juùr wón vér e wón vitum veé nsay fène, a bó vèr yòʼ yíi a lì sa vév vee wón, a way e lav.

Nehemia 10:31

«Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.

Nehemia 13:25

M sáʼ áwune, e kuùrì, e dzə̀v ámóʼó, e dzə̀n nə́ŋ, e kàn áwune, á yí kilìʼ e Nyùy yir. M yòŋ jii, «Vèn yòʼ dzəə́ wìy a juùr wón vén e wón vitume, a vèn yòʼ dzəə́ wìy a way sa wón vév é lav ji vikǐy won vén, kìn ji vén vee vikìy.

Nehemia 5:11

Vèn siir kwáʼ sév wùn à súm sé vitiír vé vayin si, à sé vici vé *oliv si, à lav sév sí cér. Vèn siir sá séʼ wo vèn səən bìʼ vifá ve vèn foòrìn áwune, kìn dzə̀ mbàm, kìn vifá ve yi, kìn meluʼ, kìn meŋgvə́r.»

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Ŋwàʼ Luk 19:8

Wùn áwune dù, e lòo dzə, Sakiyor yiì lò, e nànèn, e yòŋ Jesus jii, «Tàr, ku yuùrí, m yíi toʼnín vifá vém é ntìntìn, e jàv mbìv yìmòʼ e vé ŋgeʼe. A m kfə̀n yíi leéy, yén, a mò‑oò ló ne bòʼ wír, é m siir kifá kee shooy e ŋgaàŋ akàŋ akweè.»