Nehemia 5:11 - ŊWÀʼ NYÙY

¹¹ Vèn siir kwáʼ sév wùn à súm sé vitiír vé vayin si, à sé vici vé *oliv si, à lav sév sí cér. Vèn siir sá séʼ wo vèn səən bìʼ vifá ve vèn foòrìn áwune, kìn dzə̀ mbàm, kìn vifá ve yi, kìn meluʼ, kìn meŋgvə́r.»

Nehemia 5:11 Iomraidhean Croise

2 Samuel 12:6

Mo wù mùmèn kfə́ə kinyò kee ben, e làa yòʼ rər mendzən me ŋgaà kitàn, bo wù kù kér fóo làʼ anjiì akweè.»

Nehemia 5:10

Vèr aàfə́r vémé, à vé lìm vémé foor sa wíri mbàm wùn à vifá ve yi vi. Vèsən maʼti séʼ wóo kù a dìy ji á sə́.

Nehemia 5:12

Áwune nèn bìnèr jii, «Vèr yíi siìr, a bó vèr yòʼ dzəə́ yiì a leéy kifá fo áwune. Vèr yíi yiì mo à suuyin.» M nèn kùm atàá cù, e yiì, vilìmbìy vi lìʼ ji áwune yíi a yiì a kinyo ke á kàʼàn.

Aysaya 58:6

«Vinyo ve m taʼ ji wír ve á lem jíŋe wáa yiì vi dzə̀ jii, M taʼ ji á bvəti asháŋ ve á gòvtìn wíri, e kùr shó, e bvə̀tì akfəə̀ ve á kurin fáŋ ye yí dzər, gháʼ áwune shó. M taʼ ji á ku sə̀ wír ve á nyavrì sho, aáwune boy, e laàr dzə́ə se wíri shaa sho, e bó a yiì ŋgeʼ aámóʼó.

Ŋwàʼ Luk 3:8

A dzə̀ vèn kù tòmbìy, a yiì vinyo ve ví wáa dìn ji vèn bìnèr ne rú melív men. Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. Kee shooy ki yòʼ kér kinyo fo Nyùy. A dzə̀ wù lì tíy sin, e bìnèr ji rám Abraham.

Remrí 6:11

A lav see fó si dzə̀, a vifá ve juŋ vidzə̀m vi rúnkír shó, a yòʼ‑oò wày ven. Ndzə́v se tuŋén sí dzə̀kìr fó, a yòʼ‑oò tùŋ ven. Súm sé vitiír vé *vayin, à sé vici vé *oliv si dzə̀ fó, a yòʼ‑oò bìy ven. Vèn wiy fo, lóo yikír, lóo kur mo vèn koŋè,

1 Samuel 12:3

Mo və̀ne a m tíy e věn si. Vèn tóʼ ri lòn wómé e Nyùy Tǎr si wùn à e fòn wo wù yoʼón si. Mò‑oò kùvrì nàʼ la? Mò‑oò kùvrì kimbèʼbìy ké la? Mò‑oò bòʼ la? Mò‑oò nə̀ʼsì la? Mò‑oò sə̀ kòyàr fo la wo wù yii, é la m yòʼ dzəə yèn jay və. A dzə̀ ji mò‑oò lo yiì kinyo fo vinyò vìn, vèn yòŋ é m siysi.»