Nehemia 5:10 - ŊWÀʼ NYÙY

¹⁰ Vèr aàfə́r vémé, à vé lìm vémé foor sa wíri mbàm wùn à vifá ve yi vi. Vèsən maʼti séʼ wóo kù a dìy ji á sə́.

Nehemia 5:10 Iomraidhean Croise

Nehemia 10:32

«Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.

Nehemia 5:11

Vèn siir kwáʼ sév wùn à súm sé vitiír vé vayin si, à sé vici vé *oliv si, à lav sév sí cér. Vèn siir sá séʼ wo vèn səən bìʼ vifá ve vèn foòrìn áwune, kìn dzə̀ mbàm, kìn vifá ve yi, kìn meluʼ, kìn meŋgvə́r.»

Nehemia 5:7

M nèn lèéy kinyo kée yiì. M kùm vilìmbìy wùn à vé saʼa, a roòmè áwune jii, «Vèn jwe, vèn foor afə́r vén mbàm, nyavrì aáwune e séʼ wo vèn shóʼó.» M nèn jàŋ dzəʼə̀m ye kuʼùné bìʼ áwune.

Nehemia 5:9

M nèn shaà fo mbìy, a suúy jii, «Kinyo ke vèn yii ki yòʼ gheenè. Vèn kì yíi a fàn Nyùy wòsən, a ghan e wun mbòv fo vèsən shoór kitú, é vitúm vee aŋgaà vesə́n vibàné wáa jàʼ vèsən.

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.

Aysaya 58:6

«Vinyo ve m taʼ ji wír ve á lem jíŋe wáa yiì vi dzə̀ jii, M taʼ ji á bvəti asháŋ ve á gòvtìn wíri, e kùr shó, e bvə̀tì akfəə̀ ve á kurin fáŋ ye yí dzər, gháʼ áwune shó. M taʼ ji á ku sə̀ wír ve á nyavrì sho, aáwune boy, e laàr dzə́ə se wíri shaa sho, e bó a yiì ŋgeʼ aámóʼó.

Esiker 18:13

Wù lo ji wun foor mbàm, wù sə̀ séʼ ŋkuŋ, kìn wù wáyri wàyrín. A dzə̀ wír woo bey, wù bòy á? Bó yòʼ dzə̀ wù bòy. Wù buʼtì vinyo vìn vidzə̀m, a wù kù kér fóo kpu, é njò rə wáa dzə e wun kitu.

Esiker 18:7

Kfə́n a dzə sa wír, a bó wù yòʼ nəʼsì wír. Lo, wù kù a siìr kifá ke wìr tiirin e wun, e làa yòʼ a faàsì kimfaàsì, a wù yiir wír ve jìŋ yárí, kfə̀n kúr ndzə̀y e wír ve á ghán kinshóʼó wùn.

Esiker 18:8

Wír, a wù yòʼ lo ji wun foor mbàm, wù sə̀ séʼ ŋkuŋ, kìn ji wù wáyrí. Wù yòʼ wáy wó rə́ é vinyò ve bi ví, a wù tínen vinyo ve wíri é nsànloŋ.

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

2 Korin 5:11

Mo vèr sí rə́si fan fó jay kinyo e Tàr wòsən Kristu bèy, vèr ku nèn a bìnèr wíri ji á wáy shilív e wun wùn. A Nyùy kì kinyo ke vèr yii kìn feyì, a m kwaʼtì ji dzə̀ vèn kù kìíy saa bèy.

2 Korin 5:20

Vèr nén a ghan ji ŋkùvtu wun woo Kristu, wáa dzə mo jaŋ Nyùy ven. A vèr boorì ven e Kristu yir jii, vèn ku wìy, é Nyùy mán á ajay vén, é vèn áwune kfə́n kijuŋ.

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

Remrí 15:2

A kí wíy a dzə jii, wìr Isray e dzə̀m wo wù‑uù foòrìn wir Isray wùmòʼ mbàm kù wíy tiiné kaá ye ŋgaàŋ kér wùn wun. Lá wù yòʼ ghìʼ ji wù ku làʼ, bìʼ fo á foon ne ji sì á ghán se Nyùy Tàr‑iì lèmèn ji á ku tiìné kaá si.