Nehemia 4:8 - ŊWÀʼ NYÙY

⁸ Áwune nèn bà ntaŋ ji á lo wìy, e fùnèn wír veé Jerusalem, e tòvsìn a fó.

Nehemia 4:8 Iomraidhean Croise

2 Samuel 10:12

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii á kinyo ke kiìn wun.»

2 Wòŋ 32:7

«Vèn kúr tímé, e wày ŋàŋ. Lá vèn yòʼ a fàn, lá vèn yòʼ weèy bìʼ fon woó Assiriya wo wù wiy e vé rərí anín. Vèsən kér ŋgaà wo wù kér vitaáví e vèsə́n mbìv, a bó fòn woó Assiriya yòʼ kérí.

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

Nehemia 4:7

Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Remrí 1:29

«M nèn yòŋ e vèn jii, lá áwune yòʼ a beemé ven. Lá vèn yòʼ a fàn áwune.