Nehemia 4:7 - ŊWÀʼ NYÙY

⁷ Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

Nehemia 4:7 Iomraidhean Croise

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

2 Afòn 24:2

Nyùy Tàr nèn tsə̀nsí ŋgoo vé rərí fó Babilon wùn à fó Siiria, à fó Moav, à fó Ammon ji á wiy, e nə̀ə́ a Jehoyiakim e rə́r sí, e laàr a Juda mo Nyùy Tàr‑iì yòŋèn, e shaà fo aŋgàa lìm və́ ve dzəə̀n aŋgàa ntum vəə́.

2 Wòŋ 20:1

Shintàm shi‑iì lóo dàr, wír veé Moav wùn à veé Ammon, à veé Meun ámóʼó nèn a wìy ji á nəə́ á Fòn Jehoshafat e rə́r sí.

Esra 5:8

Vèr taʼ a ji fòn kiíy á ji vèr‑ii du é Juda, e dù mèé e Nyùy wo kuʼǔn lav, e yèn, aá kfə̀n sí baʼrì a fó e tíy se faŋkìn sí, wáy aŋkoytì a e vicí ve toʼón ví. Áwune yiì bèy, e kù a lìm a lim yee shooy, e viwìr vi a yí du a feyì, e dzəə yee tìítiy.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 4:1

Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Nehemia 4:6

Mo melív me wíri mè‑eè tíy e lìm, vèr ku nèn bòm kay, e tàtí virə́v, e kòʼ, e mèé e ntìntìn mo vida vi‑iì yíi a dzə.

Nehemia 4:8

Áwune nèn bà ntaŋ ji á lo wìy, e fùnèn wír veé Jerusalem, e tòvsìn a fó.

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Jeremia 25:20

e lì wir dzə̀m wo yì‑iì dzəə̀n kiŋgwìy fo. Mò‑oò nòór sá afon veé nsay Us adzə̀m, e kfə̀n nòór sa veé nsay Filistia, aá dzə̀ ji woó Ashkelon, woó Gasa, woó Ekron, à kibér ke wìr keé Ashdod ki.

Jeremia 41:10

Ishmael lò fo fo, e koòrí wir dzə̀m wo wù‑uù berin é Mispa. Wù‑uù koòrí wón ntoʼ vee vikìy, e koòrí wir dzə̀m wo Nebusaradan woo mfòóme anshìy fòn Babilon‑eè lèmèn e Gedalia woo wan Ahikam. Ishmael‑iì koò áwune ji vé sháŋé, a tsəəné, a liysín sho e nsay Ammon.

Amos 1:13

Nyùy Tàr suuy jii: «Abaày, wír veé Ammone fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè táŋ bìíy wòŋ, maʼ Gilead e rə́r sí, maʼà, shuʼtì bvəm se vikìy, aá dzə̀kìr e bvə́me.

Amos 1:8

M yíi laàr fon wov wo wù dzə́ e Ashdod, e laàr wo wù sáʼ Ashkelon. M yíi màʼ ŋgeʼ e wír veé Ekroné kitu, áàshàr wìr ve á berin é Filistiàa sə́ʼsí.» Á mo Nyùy Tàr woo Taà Ndzə suuyin.

Amos 3:9

Kí nén a dzə jii, á ku dù, e fùŋ á e ntoʼ yeé Ashdod, e fùŋ sáa e yeé Ejiv jii, áwune ku fəə̀, e bàʼtí aàgwan veé Samaria, e yèn á mbvəərì wo wù dzəə̀n fó, á leéy á táy ye á táy wíri fó.

Lim Aŋgàa Ntum 5:33

Vé wòŋe yú kinyo kìy, wún wóví kìn, á wáa tàʼ, e yuyrí áwune.

Ŋgaà Yen 12:17

Wù yén bey, e màysì, e shwìíy kilòŋ fo wiíy və̀y, e nèn fəə̀ ji wun du, e kèʼ rə́r, a màʼ kfə́ə wiíy woo shooy ye yí berin, a dzə̀ áwune ve á lem nsər se Nyùy, tíy a dzə̀ é kinyò ke Jesus.

1 Samuel 11:2

Fòn Nahash bìnèr aáwune jii, «A dzə̀ ji vèn taʼ ji m maʼti ven nyaáŋ, vèn biìmé ji m fə́tí sí sén sé yìy sí, e fíʼ shoór wír veé Isray adzə̀m.»