Nehemia 4:6 - ŊWÀʼ NYÙY

⁶ Mo melív me wíri mè‑eè tíy e lìm, vèr ku nèn bòm kay, e tàtí virə́v, e kòʼ, e mèé e ntìntìn mo vida vi‑iì yíi a dzə.

Nehemia 4:6 Iomraidhean Croise

1 Wòŋ 29:14

Á bèy, à mò, à wír vémé, a vèr fə̀m bònen fò vifá e wò e le, bo dzə̀ ví mèé é gha? Kí kifá kidzə̀m ki kù lò a dzə̀ fo wò, vèr nen bày ke vèr foon e wò, a kù dzə̀ fó fo.

1 Wòŋ 29:3

M kfən siì fò kisha ke mbàm ke baar kí wùn à ke fəvír kí, ke kí loòn a dzə̀ fo mǒ kiwo, a dzə̀ bùʼ wom wo m dzəsì e kitu ke vifa ve m baʼtin ne bìʼ lav ye dzəə̀n ye Nyùy, a m yiì bèy, bìʼ koŋ ye m kér fo lav Nyùy wom.

2 Wòŋ 29:36

Fòn Hesekiya wùn à wír veé Juda adzə̀me ku nèn a sheʼrí bìʼ kinyo ke Nyùy Tàr‑iì yiìn aáwune. Wù‑uù yiì, líme mày cér, e shaà mo vé‑eè kwaʼtì.

Nehemia 4:5

Lá à yòʼ sù njò yev. Kú a way síi aáwuné ajay, bìʼ fo áwune shoorin ne vé kimbome e liy si.»

Nehemia 4:7

Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

Nehemia 6:15

Á bèy, á nèn màysì kimbom ke kày e kishiíy kee nshòv sitàn e mbaà fó ŋwee woo Elul, aá lím ne kay kishiíy nshòv sibaà e mtàn.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Nsùyrì Nyùy 122:3

Jerusalem wo á bàʼrìn moo ŋkàlaʼ, wù dzə̀ kilàŋsìn, a tiy kitávín.

Hagay 1:14

Á mo Nyùy Tàr‑iì lùmèrìn shilív shé Serubbabel, woo taà saʼ woó Juda woo wan Shealtiel, wùn à shé Joshua woo taà cù wo kuʼùn, woo wan Jehosadak shi, e kfə̀n lùmèr melív me kiber ke wìr ke kí‑iì kfənen fó kwaʼ nsàm. Shilív shí lúm áwune bey, áwune nen kù kfə̀nkír, e tsə̀ŋén a dzə̀ lim e lav cù, lav Nyùy wov woo Nyùy Tàr woo Taà Mànjòŋ.

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.