Nehemia 4:3 - ŊWÀʼ NYÙY

³ Tobia woo wír woó Ammon wo wùn wun‑eè tíyí, nèn a yòŋ sa jii, «Ooboò, kay ye áwune bómée dzə̀, a fə̀m kòʼ sìm shó, wú kù kèr.»

Nehemia 4:3 Iomraidhean Croise

1 Afòn 20:10

Fòn Ben‑Hadad sii tsə̀nsí vé ntume fo Fòn Ahav wùn jii, «M yíi laàr Samaria, e yèr e dzəə ye bó yòʼ dzə̀ wìr fə̀m a ker kibvər kée ŋèʼ e kiwo. A m dzə̀ là fóo yiì mo m yòŋèn ben, anyùyi kù màʼ ŋgeʼ e mǒ kitu, e kfə̀n dzə̀sì.»

1 Afòn 20:18

Wù nèn fò sáʼ jii, «Kìn á wiy a dzə̀ fóo lon nyaáŋ, kìn á wiy a dzə̀ rə́r. Vèn koòrí áwune, e wìy sho atin.»

2 Afòn 18:23

Vèn yú, kitú kém kee fon woó Assiriya ki yoŋ e Hesekiya ji wun yíi fo wun a nyám se ŋkoʼ ansə̀kì abaà, a wù fèn kér a vé koʼo.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 6:1

Á nèn lò, e duù e Sanballat wùn à Tobia, à Geshem woo wir Arab, à kibér ke aŋgaà vér vibàné ji m bàʼrì ne a kay, a bó shintoʼòn shi yoʼ waà dzəə bèr, aá yoŋ bèy, a bó m yóʼ ne fə̀m wàyrí visəŋ e shuù si.

Yòvdìy 5:18

bìʼ Gwan Sion wo siìn vifə̀m, a sì kirə́ʼ ke dzə́ akuúrá shó.

Remrí 23:3

«Lá wìr Ammon, kìn wir Moav yòʼ wìy nə̀ə́ e kintatì ke wìr Nyùy Tàr. A fə̀m wìy a dzə, e dù, e meé e ŋgwàʼ ye yì meen ji ghvə̀m, lá wìr woo kùm áwune yòʼ wìy nə̀ə́ e kintatì ke wìr Nyùy Tàr, e wìy dù, e mày.