Nehemia 4:23 - ŊWÀʼ NYÙY

²³ Bó wìr fo vèr yòʼ‑oò lo yiì shòʼ ndzə̀y fó wùn, kìn mo, kìn afə́r vém, kìn vé lìme, kìn anshìy ve vé‑eè jumrì mo. Wìr‑iì lo, wù kù a ker kifá ke rər é kiwo, fə̀m é ghan se wù du, e no mendzə́v.

Nehemia 4:23 Iomraidhean Croise

Nehemia 4:22

Mò‑oò yòŋ e wíri é ghan fen jii, «Wìr wùn wìr lìm və sí yiì a shiíy a dzə̀ á e Jerusalem, e fíʼ a shìy shiy vitsə́ʼə́, a yiì lim, e shùy.»

Nehemia 5:1

Wáa dzə e ghan símóʼ sí, vilum wùn à vikìy nèn a toŋ bìʼ kinyo ke afə́r vév vee wír veé Judàa‑aà yii aáwune.

Nehemia 5:16

Mò‑oò wày wún, a gisín a dzə̀ é kimbom ke kày yeé ŋkàlaʼ, e làa yòʼ a shii ŋgvən. Aŋgaà vém lìme kù‑uù bàʼtí adzə̀m, a lìm sa fo.

Nehemia 7:2

M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

Joel 2:8

Sí yòʼ ghán, tsə́yninè. Sidzə̀m si kù tiir kitú, du a dzə̀ fó mbìy. Sí tóʼnin kifá kidzə̀m ke á téʼ áwune shó toʼnín, a bó yòʼ dzə̀ kifá ki sə̀ə́r áwune.

1 Korin 15:10

Yii bèy, Nyùy kú a kòŋ mo, a sham mo, bo m wáa dzə mo m dzəə̀n lèn bèn. A bó nshámmé və woo shooy yòʼ‑oò lo lày kisáŋ. M lò kém fó fo, e nèn lìm, e shaà aŋgàa ntum Kristu ámóʼó adzə̀m. A bó yòʼ dzə̀ ji mò‑oò yii lim rə̀n a dzə̀ fo mǒ vitaaví. Mò‑oò lim a dzə̀ mo Nyùy‑iì buʼ mo, a m limè.

Atǎr Nsaʼ 5:11

Vèn yuúrí, e yù kiléŋléŋ ké vé yòvi, mo á yov e virə̀ʼ ve á tú mendzə́v fó fo. Á yov, táŋ nsiì Nyùy Tàr, nsiì wìr və́ veé Isray. «Wír Nyùy Tàrí‑iì lò, a lev, a səy e virə̀ʼ ve á tínen vinyo veé wòŋ fo.

Atǎr Nsaʼ 9:48

Abimelek wùn à wír ve wùn áwune‑eè dzəə̀n adzə̀me nèn kòʼ é Gwan Tsalmon, wù nèn lì njàm, e gwàr tám se vici shó, e bèʼèy e mbèʼ, e nèn sùúy e wír ve wùn áwune‑eè dzəə̀né ji á kú a yiì a réŋréŋ mo wun yiìn cércér.