Nehemia 4:2 - ŊWÀʼ NYÙY

² Wù‑uù yòŋ e ŋgoo rə wùn à vé rər veé Samariàá si jii, «Alàykìsáŋ veé Juda vìne kwaʼ ji á yii a dzə̀ ka? A dzə̀ áwune nàŋsín rú vinyo a? A dzə̀ áwune yiì cu, e màysì lim kishiíy kimòʼón a? A dzə̀ áwune siìr tíy ye yí keèsìn mo və́yí tònèn ne, yí kfə̀n e juŋ a?»

Nehemia 4:2 Iomraidhean Croise

Esra 4:4

Wír ve vé‑eè dzə́ e nsay foo fèyi nèn a sèmèr kóy wìr veé Juda, a yiì, áwune wáa fàn fó a bàʼrì.

Nehemia 12:27

Wáa dzə e ghan se vé‑eè yii ŋkàʼ wóo mvə̀ʼ kay yeé Jerusalem, á nèn ghàn e rám Levìí virə̀ʼ vé dzə, e fə̀ə́r áwune, e wìy sho e Jerusalem ji á yí á ŋkàʼ vən e kishéʼrì ki. Lóo yi, á wàa yòv a luŋ si, a kwaʼ vifá ve kwaʼán ví, a kùm lúŋ nshì wùn à yé mbàytìi, a beèrì a Nyùy sho.

Nehemia 12:43

Á nèn a yiì cu si é kishiíy fen sigháʼán. Wìr dzə̀m wáa yu vijuŋ mo Nyùy yiìn, áwune wáa ker kishéʼrì ke tavín kí. Vikìy wùn à wóné‑eè shéʼri sa. Léŋ kisheʼrìi‑iì kóʼ fo Jerusalem, aá yú kwaʼda.

Nehemia 4:10

Yii bèy, wír veé Judàa nèn lò, e kèʼ a yòv jii: «Vitaáví ví sí may fo vé lìmé wùn, a vimbvə́ʼ ve vifa vi dzəə́ fúmé, vèr yòʼ dzəə́ yú fó a bom kay.»

Nehemia 6:15

Á bèy, á nèn màysì kimbom ke kày e kishiíy kee nshòv sitàn e mbaà fó ŋwee woo Elul, aá lím ne kay kishiíy nshòv sibaà e mtàn.

Nsùyrì Nyùy 83:4

Á jaŋ wíri jii, «Vèn wiy, é vèsən laar wír veé Isray, aá sə́ʼsí yír yév fó kitu ke nsay ŋkuuŋkùŋ.»

Jeremia 26:18

«Yì‑iì dzə̀ é ghan se Hesekiya‑aà dzəə̀n fon woó Juda, Mayka woó Moreshet tiísí sá ntum Nyùy. Wù‑uù sùúy e wìr dzə̀m woó Juda ji kinyo ke Nyùy Tàr woo Taà Mànjòŋ yoŋ ki dzə̀ á jii: « ‹Á wíy tuŋ Sion, e bìnèr moo súm bey, é Jerusalem kfə́n, a neŋ e vikfər vikfər, é gwan woó lav cù kwiíy, a dzə ji kóv.›

Jeremia 33:24

«Bó à yoʼ yù kinyo ke wír vìne suuyì à? Á yoŋ ji Nyùy Tàr mèŋ á ne rám yee baà ye wù‑uù shavin ji á wáa saʼ a mbìv wòŋ yee Juda, à yee Isray. Áwune yoŋ bèy, nèn ŋwáy wír vém ŋwáyín, e làa yòʼ dzə́ə a yen áwune ji kitúm.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Habakuk 3:2

Éè Nyùy Tàr, m dzə̀ a m yú vinyo ve à yiìn. Éè Nyùy Tàr, m yèn vinyo ve à lìmèn, a ker gháʼ. Kú a fiyír vinyo vìn vi e věr ghan, ku yiì, aá wáa kiíy e ghan fen. A kilòŋ kí fə̀m shwiiy wò e le, à kù a sham ver.

Sekariya 12:8

Wíy lòo dzə e kishiíy fóo fèy, é mo woo Nyùy Tàr wáa kìŋsìn wír veé Jerusalem e shùu rər, é njoó wo wù dzəə̀n aáwuné mvəm táv réŋréŋ moo Davir, é wír vee rám Daviri wáa màʼ fo mbìy moo nshìylav Nyùy Tàr, a màʼ moo Nyùy kitú kfə́.

Sekariya 4:10

A dzə̀ wír, a wù‑uù káy kéʼ kinyò, a yí yénsin fo tèr, bo wù wíy yen, a Serubbabel bóm lav cù, du fo mbìy, é wù wáa sheʼrí. Ké làm see saàmbà sìy, kù dzə̀ sí Nyùy Tàr ye yí kíyri kitú ke nsay, yén kinyo kidzə̀m.»

1 Korin 1:27

Nyùy ku nèn shòʼ ven vin ve wír veé ndzə fène yén ji ambuʼŋgàŋ, e fíʼ yiì, é wír ve á din vifií wáa woomé. Wù kfən shòʼ ven vee aghéʼ veé ndzə fèn, é wír ve á kér kilíŋe wáa woomé sa.