Nehemia 4:10 - ŊWÀʼ NYÙY

¹⁰ Yii bèy, wír veé Judàa nèn lò, e kèʼ a yòv jii: «Vitaáví ví sí may fo vé lìmé wùn, a vimbvə́ʼ ve vifa vi dzəə́ fúmé, vèr yòʼ dzəə́ yú fó a bom kay.»

Nehemia 4:10 Iomraidhean Croise

2 Wòŋ 2:18

Wù nèn tsə̀ə́r wír vee nsə̀kì msaàmbà (70,000), á wáa beʼ vifá ve kibàʼrì, e tsə̀ə́r vee nsə̀kì mwaamé (80,000), á wáa tuŋ tíy áàgwan, vee kishóv ghií ntuùfú aànsə̀kì ataári (3,600) nén a leéy lim.

2 Wòŋ 34:13

vé‑eè lèm áwune, á wáa leéy vé lìm ve vé‑eè béʼ vifá, kfə̀n a leéy vé lìm ve vé‑eè lim lim see jeéy jeéyí sí. Wír veé ram Levi ámóʼó‑oò dzə̀ aŋgàa saŋ, ámóʼó vilìmbìy, ámóʼó anshìy veé shuù se kày.

Nehemia 4:11

Aàŋgaà vér vibàné kù dzə́, yén kév ji vèr yíi a jì ji á wáa kiíy, e kfə̀n a jì ji á wáa yen, aáwune yúyrí á ne ver, líme tiím.

Nehemia 4:2

Wù‑uù yòŋ e ŋgoo rə wùn à vé rər veé Samariàá si jii, «Alàykìsáŋ veé Juda vìne kwaʼ ji á yii a dzə̀ ka? A dzə̀ áwune nàŋsín rú vinyo a? A dzə̀ áwune yiì cu, e màysì lim kishiíy kimòʼón a? A dzə̀ áwune siìr tíy ye yí keèsìn mo və́yí tònèn ne, yí kfə̀n e juŋ a?»

Nehemia 4:9

Vèr nèn bùnrì Nyùy wor, e lèm anshìy, á wáa teʼ áwune e shùy, a teʼ vitsə́ʼə́.

Esiker 29:18

«Wàn wìr msòŋ, Fòn Nebukadnessar woó Babilon‑eè yiì, shúu rər vəə́ yén ŋgeʼ e Taya bàm é ŋàŋ. Vé‑eè bèʼèy vifá ŋkóŋkóŋ, nə́ŋ si feésí fo vé rərí kitu adzə̀m, mbèʼ sév sí kfən sòrkìr, a bó áwune yòʼ fə̀m‑eè ló a ker séʼ wo vé‑eè diy fo Taya ji vilaʼày vé ŋgeʼ ye vé‑eè yenen.

Hagay 1:2

Nyùy Tàr woo Taà Mànjòŋ‑eè sùúy jii, «Wír vìne sí táŋri ji ghán sí yóʼ ne ghèén se á baʼri lav cù Nyùy Tàr, e siìr fo.»

Kintaŋ 13:31

Yii bèy, wír ve wùn áwune‑eè duùné nèn nyàysì nyàysìn jii, «A dzə̀ la vèsən yòʼ yiì kifá aáwune. Á tàvkír, e shaà vèsən.»

Kintaŋ 32:9

Vé‑eè kòʼ, e dù, e mèé e Mboʼ Eshkol, e yèn woŋ mo wú dzəə̀n, e lòo kfən e bàm, e nèn sèmèr melív me wìr veé Isray fo á du é nsay ye Nyùy Tàr‑iì foon aáwune.