Nehemia 4:1 - ŊWÀʼ NYÙY

¹ Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Nehemia 4:1 Iomraidhean Croise

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 6:15

Á bèy, á nèn màysì kimbom ke kày e kishiíy kee nshòv sitàn e mbaà fó ŋwee woo Elul, aá lím ne kay kishiíy nshòv sibaà e mtàn.

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Jeremia 38:19

Fòn Tsədekiya nèn a wovrí kfə́ e Jeremia jii, «M fan afə́r vém veé Juda ve vé‑eè shwiin ne kitú e wír veé Babilone. M fan ji kìn m du, aá wáy mo aáwuné wo, aá wáa nə̀ʼsì.»

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Matio 27:29

Á kfən kaàrí kicí ké njoŋ ki, e səə̀nè e kitu wo ji ntáráʼ, e tàʼ ŋkoó, e wày é kiwo wo ji kitoómé. Á yiì bèy, a koʼtí, a gvəʼtí e si wo, a bùn, a kwa jii, «Caamfoò, Fon wìr veé Juda.»

Lim Aŋgàa Ntum 5:17

Taà cù wo kuʼùn wùn à ŋgoo rə ye dzəə̀n wír veé mbìv *Sadusii nèn kèʼ, a ghèʼ aŋgàa ntum Jesus,

Hibru 11:36

Wír ámóʼó biímé, á wáa dzə̀v áwune, a caàcà, wíri wáa kèŋ. Ámóʼó wáa dzə kév ve vé‑eè kúr aàsháŋé, finrì e lav.