Nehemia 3:5 - ŊWÀʼ NYÙY

⁵ Wír veé Tekoàa náŋsín ke kí‑iì batin, yii bèy, a vilìmbìy vév ví yòʼ‑oò lo wày kiwó kév é lìm ye wír ve á danèr áwuneé‑eè foon.

Nehemia 3:5 Iomraidhean Croise

2 Samuel 14:2

wù nèn tsə̀nsí wír e Tekoa ji wù du, e jàŋ a wiíy woo fií wùmòʼ fó fo. Wiíy və̀y wìy, Joav suúy shó jii, «Màʼ ndzə̀y sé kpu si, a yiì mo à diy a kpú bèy. Lá à yòʼ sòr biʼ. Á yiì moo ji à dìy ne a kpú yee shoon ntàmda bèy.

2 Wòŋ 11:6

Ŋkà se laʼ sìn si‑iì dzə̀ jii, Betlehem, Etam, Tekoa,

Nehemia 3:27

Aáwuné bàm, wír veé Tekoàa nèn kfə̀n nàŋsín kirə́ʼ kímóʼ kí kee kèʼ fó ŋkìʼnìn kirùmèn ke ghaʼtín kí, ke kí somènè, e dù, e bàʼ e wǔn kày yeé Ofel.

Nehemia 3:4

Meremot woo wan Uria woo wan Hakkos náŋsín kirə́v ke kí batin. Meshullam woo wan Berekiya woo wan Meshesabel náŋsín sá kímóʼ kí. E wun bàm, wáa dzə Tsadok woo wan Baana wo wù‑uù naŋsin sá fómóʼó.

Nehemia 3:6

Wír ve vé‑eè naŋsin Shúu Kày woo Jeshanàa dzə̀ ji Joyiada woo wan Pasea wùn Meshullam woo wan Besodeya. Áwune náŋsín bey, e neèr aŋkoytì, e wàyrí shuu si wùn à mfìn si, à kóŋ sé mfìn si.

Jeremia 27:12

Kù dzə̀ sáʼka wo mò‑oò fèrìn sá e Fòn Tsədekiya woó Juda. Mò‑oò sùúy shó jii, «Fòn wùn à kitúm kfə́ kí wáa yunín a fon woó Babilon, a lìm a fo wùn à wír vəə́, é wùn à kitúm kfə́ kí nèn waà wìy lùŋ.

Jeremia 27:2

Wù‑uù yòŋ e mò jii, «Fèr kimbùŋ kí, é kí wáa ker akfəə̀ vee júv, e kùr e wò kilòŋ.

Jeremia 27:8

« ‹Yii bèy, a kitúm kee shó, kìn woŋ woo shóo lòo dzə, e tèn fó a lìm fo Nebukadnessar woo fon Babilon, a yiì mo sáʼ rəə́ taʼà, bo m lo, e màʼ ŋgeʼ fo. Rə́r sí yíi nəə́ fo, é jìŋ koó, é kifə̀ʼ ki wiy, e meé mo m yíi màʼtì Nebukadnessar, é wù laar fó ŋkuuŋkùŋ. Suuy mo woo Nyùy Tàr.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Amos 1:1

Ŋwàʼ və̀ne dzə̀ kisúŋnìn ke Amos wo yì‑iì dzəə̀n wír fo wír veé Tekoa ve vé‑eè leey fo nyám sií. Wú súŋnin a dzə̀ kinyo kee kùm Isray ke Nyùy‑iì ghemen ndzə, e dìn e Amos. Wù‑uù yèn vinyo vìn, a Ussiya sáʼ mbìv wòŋ yee Juda, a Jeroboam woo wan Joash sáʼ yee Isray. Wù‑uù yèn, viyá vi shaà vibaà, é bo nsay lo, a sə̀ʼsì e wòŋ foo fèy.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Lim Aŋgàa Ntum 15:10

Mo kí dzəə̀n bey, kfən yiì ka, bo vèn wáa tàʼ ji á wáa tinsín Nyùy, a neèr kibeʼèy áàŋgàa biimé vìné mbèʼ? Kibeʼèy kee shooy ki dzə̀, a vèsən aàtàr vesəné‑eè mùm ne ntéŋ.

1 Korin 1:26

Afə̀r vem, vèn kuúmé ji Nyùy sà‑aà lì ven ji və́ vee wír, a vèn dzə̀ kfə́ə wìr veé le á? Bó wíri yòʼ‑oò ló a dzə e věn mvəm anín ve dzə̀ wír veé ndzə fène wàa yen ji á kér vifií é ŋàŋ. A bó wír ve vé‑eè kér antaʼ ve kuʼkìné yòʼ‑oò ló a dzə sa anín. Kùʼùn wìr kù‑uù dzə̀ vee fó tèr, a bó á yòʼ‑oò fəə̀ fó kfəə vifòn.

Atǎr Nsaʼ 5:23

«Nshìylav Nyùy Tàr suúy jii, ‹Á shòv ne ŋkàlaʼ yee Meros, á shòv ne áwune é dzəə ye biibí, bìʼ fo áwune yòʼ‑oò lo tòm Nyùy Tàr, e tòm ji wù funen antav vee vé rərí.›