Nehemia 3:30 - ŊWÀʼ NYÙY

³⁰ E wun bàm, wáa dzə Hananiya woo wan Shelemia wùn Hanun woo wan Tsalav wo wù meen ji ntuùfú. Áwune‑eè nàŋsín mbìv yev yìmòʼ fó. Aáwuné bàm, Meshullam woo wan Berekiya nèn nàŋsín kee wun ŋkìʼnìn laʼ.

Nehemia 3:30 Iomraidhean Croise

Nehemia 13:13

M shóʼ taà cù woo Shelemia wùn Tsadok woo ŋgaà saŋ, à Pedayia woo wír woó ram Levi ji vé kitàví, e shòʼ ŋgaà ntom wov, a dzə̀ Hanan woo wan Sakkur, wo yì‑iì dzəə̀n wan Mattania. Wír vìne‑eè dzə̀ vé suuyruú. Lim yéví nèn a dzə ji á wáa jàv a vifá aàfə́r véví.

Nehemia 3:29

Aáwuné bàm, Tsadok woo wan Immer nèn nàŋsín ke kí kiʼ lav rə. E wun bàm, Shemayia wo wù‑uù leey Shúu Kày woó mbìv yee fo shùy yii tó, nèn nàŋsín kímóʼ kí. Wù‑uù dzə̀ wan Shekania.

Nehemia 3:31

E wun bàm, Malkija wo yì‑iì dzəə̀n sá wùmòʼ woo taà kilàm kishà ke mbàm ke baar kí, nèn nàŋsín ke kí batin, e dù, e mèé e ghaa lav ye dzəə̀n ye vé lìm veé lav cù, à ye wónlě way, a yì kiʼ Shúu Kày fo á yii báʼti mànjòŋ, e dù, e bàʼ mo lav yeé kitu ke kor kày dzəə̀n.

Nehemia 3:4

Meremot woo wan Uria woo wan Hakkos náŋsín kirə́v ke kí batin. Meshullam woo wan Berekiya woo wan Meshesabel náŋsín sá kímóʼ kí. E wun bàm, wáa dzə Tsadok woo wan Baana wo wù‑uù naŋsin sá fómóʼó.

Nehemia 6:18

A kí‑iì dzə̀ jii, wír veé Juda aníne‑eè yiì ne kilìʼ, a tiy e Tobia bàm, bìʼ fo wù‑uù dzəə̀n sə Shekania woo wan Ara, a wan və woo Jehohanan‑eè kér sa wiíy, a dzə̀ wan Meshullam woo wan Berekiya.