Biblia Todo Logo
Bìoball air-loidhne

- Sanasan -




Nehemia 3:26 - ŊWÀʼ NYÙY

26 e bóo lì vé lìm veé lav cù ve á dzə́ e gwan Ofel. Wùn áwune‑eè nàŋsín virə́ʼ, e dù, e meé e ŋkìʼnìn Shùu Kày Ndzəv fo kirùmèn ki somènè, e mbìv yee fo shùy yii tó.

Faic an caibideil Dèan lethbhreac




Nehemia 3:26
13 Iomraidhean Croise  

Wír mbìy ve vé‑eè kfənen é bàm aáwuné ntèʼ sí, e dzə̀ʼə̀m aáwuné kitu ke vifaa‑aà dzə̀ wír veé Isray ámóʼó wùn aàtàá cùu, à wír veé ram Levìi, e bóo lì vé lìm veé lav cù.


Wù‑uù bòm shúu kày woó dzəə ye yì nəə e Nyùy Tǎr lav fo kùy, e kfə̀n bònen bòm kirə́v ké kày ye á yoŋ ji Ofel.


Ghán sí lòo koʼtí, Manasse kfən bàʼrì kay yeé Ŋkàlaʼ Davir yee fó ndzə, e kèʼ fo ghaa ntòŋ ndzə̀v yee Gihon, fo mbìv ye yì kiʼ fo shùy yii nəə, a koʼ koʼón é kiwoóy, e dù, e mèé e Shùu Kày Sə, e kfə̀n dù, e kaàrí gwan Ofel. Wù‑uù dzə̀sì vida ve kày, yí dár é yuv é ŋàŋ féyì. Wù kfən lèm sa amfòómé é ŋkà se laʼ seé Juda see vikum sidzə̀m.


Kibér ke wìr kee jii, atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, à wìr dzə̀m wo wù fəən ne fo wír veé wòŋ see fó ghaŋ si, e ghàr a dzə̀ Nsər Nyùy, e lì sa vikìy vév wùn à wón vee vilume, à vee vikìyí, à wìr dzə̀m wo yì‑iì dzə̀ wù kìíy kinyo, e kfə̀n səə̀m.


Vé lìm veé lav cùu‑uù dzə́ kév a dzə̀ é gwan Ofel, a Tsiha wùn Gishpa dzə̀ atǎr saʼ vév.


Á meé é Shùu Kày wo wú kiʼ dàn, e nèn tèém, e kòʼ tìítiy e nsèʼtì seé Ŋkàlaʼ Davir, e kibiʼtí ké kày, e shaà e mbìv kùy ntoʼ Davir, e nèn dù e Shùu Kày woó Dzəə̀ Ndzə̀v, e mbìv yee fo shùy yii tó.


Aáwuné bàm, wír veé Tekoàa nèn kfə̀n nàŋsín kirə́ʼ kímóʼ kí kee kèʼ fó ŋkìʼnìn kirùmèn ke ghaʼtín kí, ke kí somènè, e dù, e bàʼ e wǔn kày yeé Ofel.


Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.


Á bèy, wíri ku nèn fəə̀, e dù, e wìy e vifá vee shooy vi, e fèr táv sév shó. Aámóʼó fer sév aáwuné vitu ve lav, ámóʼó aáwuné maàndzə, ámóʼó é maàndzə yeé lav cù, ámóʼó é maàndzə yeé Shùu Kày woó Dzəə̀ Ndzə̀v, aámóʼó fer sév é maàndzə yeé Shùu Kày Efrayim.


Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.


Rúrú, á wíy màʼày ntoʼ yev, é yì kfə́n é vifə̀m, é màŋgòŋ sám fó ŋkàlaʼ. Virə́ʼ vév ve tavkín wùn à vé ŋkiy vi wíy kfən ji mbvə̀ʼ fo nyám si dzə́, a kù wíy a dzə mbvə̀ʼ yev bey ntàmda. Dzə̀ fó, fo vimbèʼbìy veé kwaʼ wùn à nyám seé laʼ si wíy a yikír, a yu vijuŋ.


Lean sinn:

Sanasan


Sanasan