Nehemia 3:21 - ŊWÀʼ NYÙY

²¹ E wun bàm, Meremot nèn kfə̀n nàŋsín mbìv yìmòʼ, e kèʼ fo taà cù wo kuʼùn woo Eliashiv shùu lav, e dù, e màysì fo lav tiimen. Meremot‑iì dzə̀ wan Uria, a Uria dzə̀ wan Hakkos.

Nehemia 3:21 Iomraidhean Croise

1 Wòŋ 4:8

Kos‑iì dzə̀ tàr à Anuv wùn Tsobeba, a wù kfə̀n‑eè dzə̀ tàr à kfəə ye yí‑iì loòn fo Aharhel woo wan Harum.

Esra 2:61

Wír ámóʼó nén a dzə ve dzəə̀n sá kfə́ə atàá cù, a dzə̀ wír veé ram Habayia wùn à yé Hakkosi, e bóo lì yé Barsilay wo wù‑uù loòn, e wày wiíy e lav a dzə̀ wan Barsilay woo wír woó Gilead, é bo á wáa yòŋ yír rə́ a dzə̀ yé tàr à wiíy.

Esra 8:33

Kí lòo meé ji vishiíy vikweè, vèr nèn fìʼ kisha ke mbàm ke fəvír kí wùn à ke baar kí, à vifá ve ker vi e Nyùy wór lav, e nèn fò e taà cù Meremot woo wan Uria wùn à taà cù Eleasar woo wan Finehas, e lì sa wír veé ram Levi vee Josabad woo wan Jeshua wùn Noadia woo wan Binnuy.

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Nehemia 3:20

E wun bàm, Baruk woo wan Tsabbay nèn nàŋsín mbìv yìmòʼ, e kèʼ fo Kimbvən, e dù, e bàʼ e shuù wo wú nəə e taà cù wo kuʼùn woo Eliashiv lav.

Nehemia 3:22

E wun bàm, atàá cù ve vé‑eè dzəə̀n é ŋgvən see fó ghaŋe nèn nàŋsín kirə́ʼ ke kí‑iì batin.

Nehemia 3:4

Meremot woo wan Uria woo wan Hakkos náŋsín kirə́v ke kí batin. Meshullam woo wan Berekiya woo wan Meshesabel náŋsín sá kímóʼ kí. E wun bàm, wáa dzə Tsadok woo wan Baana wo wù‑uù naŋsin sá fómóʼó.

Nehemia 7:63

Wír ámóʼó nén a dzə ve dzəə̀n sá kfə́ə atàá cù, a dzə̀ wír veé ram Habayia wùn à yé Hakkosi, e bóo lì yé Barsilay, wo wù‑uù loòn, e wày wiíy e lav, a dzə̀ wan Barsilay woo wír woó Gilead, á nèn a yòŋ wun a dzə̀ e tàr à wiíy yir.