Nehemia 3:16 - ŊWÀʼ NYÙY

¹⁶ E wun bàm, Nehemia woo wan Asbuk náŋsín ke kí batin, e dù, e mèé e ŋkìʼnìn fə̀m sé rám Davir, e kfə̀n dù, e mèé e kisə̀m ke tuŋén kí, e shaà dù, e mèé fo láʼ vé rərí dzəə̀n. Nehemia və̀n‑eè dzə̀ wír wo wù‑uù sáʼ kimbàr ke wòŋ kee Bet‑Sur.

Nehemia 3:16 Iomraidhean Croise

2 Afòn 20:20

Ké vinyò vímóʼ ví vee Fòn Hesekiya mvə̀m saʼ, á sàŋ é ŋwàʼ wo dzəə̀n Ŋwàʼ Vinyò ve Afòn veé Juda. Á sàŋ mo vitaáví və́ ví‑iì dzəə̀n, e kfə̀n sàŋ mo wù‑uù sərin ndzə́v, e fèr nshwàn wo mendzə́v mè wáa leŋ sho, a dù e mvə̀mlaʼ.

1 Wòŋ 2:45

a Shammay dzə̀ tàr à Maon, a Maon dzə̀ tàr à Bet‑Sur.

2 Wòŋ 11:7

Bet‑Sur, Soko, Adullam,

2 Wòŋ 16:14

Vé‑eè lìtì wun e wun fəm wo wù‑uù bùʼùn a dzə̀ kilán, e Ŋkàlaʼ Davir. Vé‑eè neèr wun e vintàràŋ, a virə̀ʼtìn ve vifa vee jeéy jeéy ví‑iì dzə̀ shó, virə̀ʼtìn ve vifa vìn, a ku fèr wír ve á yii ferì. Vé‑eè tòn və́y e ghaágháʼán, e ghvə̀m wun sho.

Nehemia 2:14

M lò, e shaà, e dù, e mèé e Shùu Kày wo wú kiʼ Dàn, a dzə̀ fo Kisə̀m ké Fòn ki‑iì dzəə̀n, la dzəə̀ yòʼ a dzə ye nyàm ye mò‑oò koʼon tósín.

Nehemia 3:12

Shallum woo wan Hallohesh, a sáʼ wun mbìv kibàr ke Jerusalem kímóʼ kí, nèn nàŋsín kilíŋ kímóʼ kí, a wón və́ vee vikìyí‑iì tòm wun.

Nehemia 3:14

Malkija woo wan Rekav‑iì nàŋsín Shúu Kày wo wú kiʼ róŋ. Wù‑uù bòm, e wàyrí shuu si wùn à mfìn si, à kóŋ sé mfìn si. Rekav‑iì dzə̀ ŋgaà saʼ woó kimbàr ke wòŋ kee Bet‑Hakkerem.

Nehemia 3:17

E wun bàm, wír veé ram Levìi nèn nàŋsín kév, aá lim e Rehum woo wan Bani sar. Hashabia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Keyla, náŋsín sá ké wùn à wír vəə́ fó ghaŋ.

Nehemia 3:9

Refayia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Jerusalem, a dzə̀ wan Hur nèn nàŋsín ke kí‑iì batin.

Ŋgaà Tàrvìnyò 2:6

e tùŋ bií wóm mendzə̀v wó a setí mendzə́v fó fo, a wayrí e vici ve m bìyìn.

Yòv Viŋgér 3:7

Yén ri, dzə̀ Fòn Solomon mo á toor, wiy sho, a wù dzə́ e kàvàʼ. Antav və́ vé rərí kaárí kàvàʼ, wír mntuùfú, e tàr, a kù dzə̀ antav fo vé rər veé Israyi.

Aysaya 22:11

Vèn kfə̀n‑eè fèr kisə̀m é kintìntìn ke virəv vé kày, e fèr ji mendzə́v mè lóo leŋ fo kisə̀m ke mvə kí, é mè wáa nəə́ sho. Vèn‑eè yii vinyo vìn vidzə̀m, a bó vèn yòʼ dzəə́ mbaa wun woo Ŋgaà wo wù yii, é bo vinyo vìn vi wáa koóy. Vèn yòʼ‑oò ló a yòy, a tiír e wun wùn, a kù dzə̀ wun wo wù‑uù sìysìn ne vinyo vìn fo yàŋgùʼ.

Aysaya 22:9

Vèn ló fó fo, e lèéy vintóʼ ve ví dzə̀kìn é wǔn kày ye yí giŋ Jerusalem woo ŋkàlaʼ Davir, e kfə̀n lì ndzə́v ji yí fíʼ a leŋ, a nəə́ e kisə̀m kee fó tsən.

Aysaya 7:3

Á bèy, Nyùy Tàr nèn sùúy e Aysaya jii, «Lì Shear‑Jashuv woo wan wò, é vèn wun du, é vèn à Fòn Ahas tárnín. Vèn ku dù, e yèn wun fo ndzə́v ye liiné seeyin. Ndzə́v, aá lí a dzə̀ fó kisə̀m ké kùy ki, e dzəə ye yì du fo vé ndzə̀y ye baáné yii səv ndzə̀y, tsə́y, saŋè.

Lim Aŋgàa Ntum 2:29

Pita nèn kfə̀n yòŋ jii, «Afə̀r vem, a dzə̀ m wàa suúy e vèn là méŋnín jii, tàr à ràm yesən woo Davir və̀n‑eè lo kpù, á dzəə̀mè, a say rəə́ dzə̀ə́ fèn, e shem lèn.

Joshua 15:58

Símóʼ sí wáa dzə Halhul, Bet‑Sur, Gedor,