Nehemia 3:14 - ŊWÀʼ NYÙY

¹⁴ Malkija woo wan Rekav‑iì nàŋsín Shúu Kày wo wú kiʼ róŋ. Wù‑uù bòm, e wàyrí shuu si wùn à mfìn si, à kóŋ sé mfìn si. Rekav‑iì dzə̀ ŋgaà saʼ woó kimbàr ke wòŋ kee Bet‑Hakkerem.

Nehemia 3:14 Iomraidhean Croise

2 Samuel 4:2

Ish‑Boshet wáa dzə, a wù kér vilìmbìy ve rər vibaà. Yír wo mòʼóne‑eè dzə̀ ji Baana, a yé wùmòʼó dzə̀ ji Rekav. Áwune‑eè dzə̀ wón Rimmon woo wír woó ntèʼ yee Beerot, a dzə̀ ji áwune kù dzə̀ kfə́ə Benjamin, bìʼ fo vé‑eè li ji Beerot dzə̀ á ntèʼ Benjamin.

2 Afòn 10:15

Jehu lò fo fo, e lòo dù, e tàrnín wùn Jehonadav woo wan Rekav, a wù wiy ji wùn wun wàá tárnín. Jehu shàʼtì wun, e dzə̀r shó jii, «Shilív shé shi tíy e mǒ wùn mo shém shí tíy e wò wùn á?» Jehonadav biímé ji nyàr, shí waà tíyí. Jehu nèn sùúy jii, «A kí dzə̀ bey, à ràmsì kiwó ké.» Wù ràmsì, Jehu nèn ghàr, e sə̀ŋ, e kòʼór e wun kar,

1 Wòŋ 6:40

woo wan Mayker woo wan Baaseya, wo yì‑iì dzəə̀n wan Malkija,

Nehemia 12:31

M nèn bàʼtí vilìmbìy veé Juda, e yiì, á kóʼ é kitu ke kày. M kfən sìysì vé yòvi ŋgoo sibaà sikuʼùn, á wáa yòv, a beèrì Nyùy. Ŋgoo yìmòʼ wáa lev, a dù e koy yìyí e mbìv Shùu Kày wo wú kiʼ róŋ.

Nehemia 2:13

Mò‑oò fəə̀ vitsə́ʼ vin, e dù dzə́ə fó Shùu Kày woo fó Mboʼ, e lò, e dù e mbìv Dàn Koosàʼ, e kfə̀n dù e mbìv Shùu Kày wo wú kiʼ Róŋ, du bèy, leey virə́v vé kày yeé Jerusalem ye vé‑eè bvəʼtin, à shuu se kày se və́yí‑iì tònèn sí.

Nehemia 3:9

Refayia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Jerusalem, a dzə̀ wan Hur nèn nàŋsín ke kí‑iì batin.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.