Nehemia 2:8 - ŊWÀʼ NYÙY

⁸ A dzə̀ á kfə̀n fò sá wúmóʼó wo m du shó, e fò e Asav, wun wo wù leey kóv woó ntoʼ, ji wù yiì fò á vicí ve m wáa fèr shuu se lav ye yì téʼtin lav cù, à sé kày ye yí kaári ŋkàlaʼa shó. Wù fó sáa ve m baʼri lav yee fo m yíi a shiíy. Mo Nyùy wom‑eè tíy e mǒ kitu, fòn ku nèn yiì kinyo kidzə̀m ke mò‑oò lonen.

Nehemia 2:8 Iomraidhean Croise

Kèʼlo 32:28

Wù suúy shó jii, «Yír yée yòʼ kfə̀n dzəə́ yiì a dzə ji Jakov. Á yíi a yòŋ wò lèn ji Isray, bìʼ fo à fùnèn Nyùy, e kfə̀n fùnèn wíri, e kù sò.»

Esra 5:5

Yii bèy, mo Nyùy‑iì leey fo kfə́m sé wìr veé Juda si, la atǎr wòŋ veé Persiàa yòʼ jìvír lim rə̀n, e meé mo vé‑eè yíi saŋ ŋwàʼ e Fòn Darius, é wù fó binèr.

Esra 6:22

Á nèn kfə̀n yì *Ŋkǎʼ Kiban kee là Nyaà kishiíy saàmbà, a vé‑eè yí e kishéʼrì ki, bìʼ fo Nyùy Tàr‑iì kùmèn shilív shé fòn woó Assiriya, wù sə́ áwune é kibàʼrì ke lav cù ye dzəə̀n lav Nyùy woó Isray.

Esra 6:8

Yii bèy, m nén a suúy e vèn vinyo ve vèn yíi yiì, e bóo tom vilìmbìy veé Juda, aá baʼri lav Nyùy rə̀n. Á yíi a fo mbàm se lìm réŋréŋ mo kí dzəə̀n, a sí yíi a fəə a dzə̀ fó kibàm ke lèm keé ntoʼ, a dzə̀ fó mbàm se maʼàn se á yii báʼti fo mbìv wòŋ ye á liysin ne Yufret fo shùy yii nəə. Vèn ku yiì bèy, é la lim yee shoone yòʼ tìím.

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.

Esra 7:9

A Esra‑aà kèʼ mbaʼtì ghan yee lò fó Babilon rə̀n e kishiíy ké mbìy ki fó ŋwee woo wó mbìyi, e kù nèn mèé e Jerusalem e kishiíy ké mbìy ki fó ŋwee woo tàn, bìʼ fo Nyùy və‑əə̀ kér kiwó sho.

Nehemia 7:2

M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

Ŋgàn 21:1

Shilív shé fòn shi dzə̀ e Nyùy Tǎr kiwo, a wù danèr moo ndzə́v ye wù yii, a yí léŋ du fo wù koŋè.

Ŋgaà Tàrvìnyò 2:5

M lím kiboó kém, e bìy kfəə́ se vici se sí koom sho sidzə̀m,

Ŋgaà Tàrvìnyò 2:6

e tùŋ bií wóm mendzə̀v wó a setí mendzə́v fó fo, a wayrí e vici ve m bìyìn.

Aysaya 66:14

Á bèy, vèn wíy yen kinyo ke Nyùy Tàr yii kìn, é vèn wáa sheʼrí feyì, réŋréŋ mo viŋgà ví yú nsay, ví wàa bòʼrì. Wíri wíy yen ji Nyùy Tàr yii sə́ a wír ve á ghán e wun mbòv, yii bèy, a wù yii shwiiy kilòŋ wùn à wír ve á méŋ wune.

Daniel 1:9

Nyùy nèn yiì, Ashpenas woo kitú ke nsheèlav kìy ki shóʼ Daniel, a kòŋ, e kfə̀n a rər mendzən mvə.

Lim Aŋgàa Ntum 26:22

Yii bèy, Nyùy kú a sə mo ghán sidzə̀m, e meé lán. M nén a tiy sa fèn lèn, a fìʼtì ntum yem, e wír ve kuʼkìné wùn à wír vee viyi. A m kù fiʼtì a dzə̀ kinyo ke Mooser wùn aàŋgàa ntum Nyùyi‑iì tiísi ji kí wíy koóy.

Lim Aŋgàa Ntum 7:10

a sə wun fo ŋgeʼ se wù‑uù yén sidzə̀m. Wù kfən fò wun vifií, Farao woo Fon woó Ejiv wáa kòŋ wun, e fò sáʼ sho, wù wáa leéy fo wòŋ wùn à kfə́ə fòne.

2 Korin 8:16

M beerì Nyùy feyì mo wù yiìn, shilív shé Titur shi wáa lùm fo vèn ghán sidzə̀m mo shém shí lumè.