Nehemia 2:7 - ŊWÀʼ NYÙY

⁷ M nèn kfə̀n bùn fon jii, a kí fey ghèén wun, á fò á aŋwàʼ ve m du, e fò á e vé saʼ veé mbìv wòŋ ye á liysin ne Yufreti, ji áwune fiʼ yiì a kìŋsìn a mo, e mee á mo m yíi nəə́ e Juda.

Nehemia 2:7 Iomraidhean Croise

Esra 6:6

Fòn Darius nèn tsə̀nsí binèr jii: Tattenay, wò woo taà saʼ woó mbìv wòŋ ye á liysin ne Yufret, à wò woo Shetar‑Bosenay, e lì aŋgàa ŋgoo vén ve á dzəə̀n é mbìv wòŋ ye á liysin ne Yufret fo shùy yii nəə, vèn maʼti kinyo kee kùm lav cù rə̀y ki.

Esra 7:21

Mo woo Fòn Artakerkes, m fó sáʼ lèn a dzə̀ e vé kitàv ké mbàm ve á dzəə̀n é mbìv wòŋ ye á liysin ne Yufret. Vèn yuúrí, Esra və̀n dzə̀ taà cù, a kfə̀n dzə̀ ŋgaà dùŋrì Ŋwàʼ Nsər wo dzəə̀n wó Nyùy woó yuv. Wù dzə́r kifá ke wù dzərin e vèn, vèn kù fò shó.

Esra 8:22

Woómé si‑iì koò mo fo m kfən dù, a bùn fon ji wù fó ver á vé rərí wùn à vé nyàm se ŋkoʼo, aá tsəə́né ver bìʼ aŋgàa vibàn. A vèr fíʼtí ne e fòn ji vèr dzə̀ á e Nyùy wór kiwo, a wù kiŋsìn wír ve á yú wun, maʼ ŋgeʼ ye bi e wír ve á méŋ wune.

Esra 8:36

Vé‑eè lì sá ŋwàʼ fòn, e dù fò e taà saʼ woó mbìv wòŋ ye á liysin ne Yufret wùn à və́ vé lìme. Áwune nèn a tom wíri, a tom vinyo ve lav Nyùy.

Nehemia 2:9

Fòn‑eè tsə̀nsí vèr à vitú ve vé rərí, à wír ve vé‑eè koʼon nyám se ŋkoʼo. M dù, e yèn vé saʼ veé mbìv wòŋ ye á liysin ne Yufret, e nèn fò aŋwàʼ ve fòn foon.

Nehemia 3:7

Kirə́ʼ ke kí‑iì dzəə̀n aáwuné ghaŋ ki dzə̀, a yì‑iì nàŋsín Melatia woo wír woó Gibeon wùn à Jadon woo wír woó Meronot, à wír veé Gibeone, à veé Mispàa, Mispa wo yì‑iì dzəə̀n kirə́ʼ ké dzə ke ŋgaà saʼ woó mbìv wòŋ ye á liysin ne Yufret.