Nehemia 2:6 - ŊWÀʼ NYÙY

⁶ Fòn nèn a suŋnín, a yaà dzə́ fo ghaŋ, a dzər ji m sà yíi dzə̀ʼə̀m fo, e meé e le, a kfən e bàm é ghàn ka á? M fó ghán, fòn nèn biìmé ji wun tsə́nsi a mo fó.

Nehemia 2:6 Iomraidhean Croise

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

Nehemia 13:6

Vinyo vìn vi‑iì kooyì, a bó m yòʼ dzə̀ é Jerusalem. Mò‑oò dù fo fòn Artakerkes wùn, e kiya ke kí‑iì meen ne ji nshòv sibaà e mtaár, mo wù‑uù saʼan ne vifon və́ é Babilon. M wìy dzə̀ʼə̀m fo, e nèn lò, e bùn ji fòn ku màʼtì,

Nehemia 2:4

Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

Nehemia 2:5

e fò binèr e fòn jii, «A kí ben ghèén a wun, á leéy kwàn və́, a kòŋ, á tsə̀nsí á mo é Juda, e ŋkàlaʼ yee fo say se atàr vér sí dzəə̀n, é m fiʼ dù, e kfə̀n bàʼrì a fó.»

Nehemia 5:14

Kímóʼ kí kfə́n a dzə jii, e kèʼ fo ghan se vé‑eè lèmèn mo ji taà saʼ woó Juda, m sáʼ kiyá nshòv sibaà e ghvə̀m, bó wìr fo vèr à wír vémé yòʼ‑oò yiì yì kifá fo vifa ve vé‑eè yii lo, á wàa fo ji vé taà saʼ. Vé‑eè lem mo, a Fòn Artakerkes sáʼ ne kiyá mbaà, m sáʼ, e dù, e mèé e ghan se wù‑uù saʼan ne ji kiyá nshòv sibaà e mtaár.

Aysaya 58:12

Wón véné kfə̀n wíy bàʼrì ŋkà se laʼ sén se sí siìn é vifə̀m, e kfə̀n siìr kinsə̀ŋ ke vé‑eè wayin ne fo ŋgùʼ. Á wíy a yòŋ ven ji wír ve á náŋsin virə́v ve ví keèsìn, a yòŋ ji wír ve á náŋsin dzə́ə sí é mvə̀m sé laʼ ji wíri wáa dzə fo.»

Aysaya 61:4

Áwune kfə̀n wíy bàʼrì virə́ʼ vév ve ví‑iì siìn é vifə̀m, e siìr fo. Virə́ʼ, a vé‑eè yiì ne laàr fo yàŋgùʼ. Á kfə̀n wíy naŋsín ŋkà se laʼ se vé‑eè laàrìn ne. Kifá kidzə̀m ke vé‑eè laàrìn ne fo yàŋgùʼ, á kfə̀n wíy naŋsín.

Aysaya 65:24

Á wíy a jì ji á wáa toŋ e mò, a m biímé ne, lóo bunrì, aá dzəə́ bunrì bùnrìn, a m yú ne.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.