Nehemia 2:5 - ŊWÀʼ NYÙY

⁵ e fò binèr e fòn jii, «A kí ben ghèén a wun, á leéy kwàn və́, a kòŋ, á tsə̀nsí á mo é Juda, e ŋkàlaʼ yee fo say se atàr vér sí dzəə̀n, é m fiʼ dù, e kfə̀n bàʼrì a fó.»

Nehemia 2:5 Iomraidhean Croise

2 Samuel 14:22

Joav nèn gbù e fòn si, e tsə̀m sí fo nsay, e lòn ji Nyùy ku səə̀vì a fon. Wù nèn bùn fon jii, «Nyàr, ŋgaà lìm və yèn ne rú lèn a ji á koŋ a wun, bìʼ fo fòn yuun á ne tóŋ ŋgaà lìm və.»

Esra 5:17

Nyàr, a kí ben bòŋ wun, á fò sáʼ, aá tar á aŋwàʼ vimvə́mvə vé vinyò ve wòŋ ve á dzəə̀n é Babilon, e yèn á ji Fòn Sayrus sà‑aà lo fò sáʼ yee ji á kfən bàʼrì lav Nyùy e Jerusalem a, e nèn fò ver á rə́ə yee nshù kùm kinyo kee shoon.

Nehemia 2:4

Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

Nehemia 2:6

Fòn nèn a suŋnín, a yaà dzə́ fo ghaŋ, a dzər ji m sà yíi dzə̀ʼə̀m fo, e meé e le, a kfən e bàm é ghàn ka á? M fó ghán, fòn nèn biìmé ji wun tsə́nsi a mo fó.

Esta 1:19

Kí nén a dzə jii, a kí lòo dzə, e ghèén fon, fòn fò sáʼ, aá sáŋ é ŋwàʼ wo nsər seé Persia wùn à seé Media si dzəə̀n shó, nsər se bó yòʼ dzə̀ wìr kùvsín. A nsər rə̀n kér fó a dzə jii, ‹Bó yòʼ dzə̀ féyì Yaà Vashti dzəə wìy tìím e fòn si. Fòn ku sù a suùn, e ghàr á wo sən wo wù kér ghvə́m, e shaà wun.›

Esta 5:8

nyàr, a fòn fey yèn mo, m gheén wun, wún fòne boŋ ji á yú tóŋ yém, e yiì kinyo ke m taʼà, kii tàr wor, fòn wùn Haman kù kfə̀n wìy a ŋkàʼ wo m báʼti ji wó wùn fòn kibvəə́shí. Kù dzə̀ kibvəə́shí kin ke m bvəə́shi, e bìnèr a kinyo ke á dzə́ti e mò fó ntoʼ.»

Esta 7:3

Yaà Esta nèn bùn fon, e bìnèr sho jii, «Nyàr, a fòn fey yèn mo, m gheén wun, wún fòne boŋ ye á yú tóŋ yém, kii tàr wor, fòn kù kìm a dzəʼə̀m yém wùn à yé wìr vémé.

Esta 8:5

e bùn fon, e sùúy jii, «Nyàr, a kí fey ghèén fon, a m fey ghèén wun, fòn kfən yèn ji kinyo ke m kì suuyin kí dzə̀ kee tìítiy, a liì wom fey bòŋ rú fon, fòn kù fə̀ə́r a sáʼ. Á fəərì, aá sáŋ á ji á sə̀ʼsí ne a kinyo ke Haman woo wan Hammedata woo rám wìr veé Agag‑iì saŋen ji á laar á wír veé Juda ve á dzə́ e virə̀ʼ ve fòn sáʼ a vidzə̀m.

Ŋgàn 3:4

Aà lòo dzə, a yiì bèy, bo Nyùy yíi a kòŋ wò, é wíri wáa kòŋ sa.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Matio 23:27

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn dzə̀ moo say ye á bomen, e nàŋsín, e yòʼ e fém si, yí wáa yensín e juŋ fo ndzə, a néŋ vighvə́r vé kimfòy ke wìr fo mvəm.

Ŋwàʼ Rut 2:13

Rut suúy jii, «Kí bòŋ, áà kú a kòŋ mo bey, tàr wor. Jí sé se juŋ si, se à súŋnin e mò sí yiì ne, shilív shí rə́sín mo, mo woo wánlè wò, a bó m yoʼ fə̀m mèé e wan wò lìm wùmòʼ.»