Nehemia 2:4 - ŊWÀʼ NYÙY

⁴ Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

Nehemia 2:4 Iomraidhean Croise

2 Samuel 15:31

Wìr nèn lò, e yòŋ e Fòn Davir ji Ahitofel shèm á ne ŋgoo ye bi wùn Absalom. Fòn nèn a bùnrì jii, «Éè Nyùy Tàr, ku yiì, é ntir se Ahitofel si kfə́n ji sé kiyuŋ.»

1 Afòn 3:5

Nyùy Tàr nèn wìy fo Solomon wùn é Gibeon foo fèy, e sùŋnín e wun e njèm vitsə́ʼə́. Wù‑uù súŋnin suuy jii, «Yòŋ kifá ke à taʼ ji m fó wò ki.»

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

Nehemia 1:4

Mo m yuun vinyo vìn, e nèn dzə̀ʼə̀m, a toŋ. Vishiíy ví wáa liysín vinín, a m diyì, lem jíŋ, kfə̀n bunrì Nyùy woó yuv.

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

Nehemia 2:20

M bìnèr aáwune jii, «Nyùy woó yuv yíi a leéy fo vèr. Ver vee akwàn vəə́ yíi kèʼ, a bàʼrì Jerusalem, yii bèy, a bó vèn yòʼ kér kilíŋ fo. Vèn yòʼ kér ghay e vinyò vee kùm Jerusalem, a bó vèn yòʼ kér vitsə́ʼ vímóʼ ví fó.»

Nehemia 2:5

e fò binèr e fòn jii, «A kí ben ghèén a wun, á leéy kwàn və́, a kòŋ, á tsə̀nsí á mo é Juda, e ŋkàlaʼ yee fo say se atàr vér sí dzəə̀n, é m fiʼ dù, e kfə̀n bàʼrì a fó.»

Esta 5:3

Fòn dzə́r shó jii, «Kí kì dzə̀ ji ka? À taʼ ji m yée le e wò? Dzə́r e mò, é m fó kifá ke à taʼà. A fə̀m dzə̀ ji m tóʼnín woŋ wóm é ntìntìn, e fò e wò, bo m kù‑úù fó.»

Esta 5:6

Áwune dzə̀ʼə̀m, e lòo no meluʼ, fòn nèn kfə̀n dzə̀r e Yaà Esta jii, «Òó mbaà, à kì taʼ ji m yée le? À lón a dzə̀ ka? Dzə́r, é m fó kíwun ke à taʼà. A fə̀m dzə̀ ji m tóʼnín woŋ wóm é ntìntìn, e fò e wò, bo m kù‑úù tóʼnín, e fò.»

Esta 7:2

Á dù, a yi, lòo dzə e kishiíy ke kí‑iì meen ji baà, aáwune kù dzə́, nó meluʼ, fòn nèn kfə̀n dzə̀r e Esta jii, «Yaà, jii mbaà, kí kì dzə̀ ji ka? À taʼ ji m yée le e wò? Dzə́r, é m fó kifá ke à taʼà e wò, a fə̀m dzə̀ ji m tóʼnín woŋ wóm é ntìntìn, e fò e wò, bo m kù‑úù fó.»

Nsùyrì Nyùy 136:26

Vèn wáa fo vibeerì e Nyùy, a wù dzə̀ é yuv. Koŋ ye wù koŋ wír vəə́ yòʼ wíy mày.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Maak 10:51

Wù dù, Jesus dzə́r shó jii, «À taʼ ji m yée le e wò?» Wù bìnèr jii, «Tàr, m taʼ ji sí yémé mvəʼəm.»

Lim Aŋgàa Ntum 23:19

Kitú ke vé rər kí ghár wán və̀y e kiwo, wùn wun bàr wún, wù dzə́r shó jii, «Kì dzə̀ ka?»

Filipi 4:6

Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.