Nehemia 2:3 - ŊWÀʼ NYÙY

³ e bùn fon, e sùúy jii, «Nyàr, fòn kù waà wíy shaàrì, a sà dzə̀ la m yòʼ a sənrí e le, a ŋkàlaʼ yee fo sáy atàr vérí dzəə̀n sì e saʼkìn, a və́yí tón ne shuu se kày a?»

Nehemia 2:3 Iomraidhean Croise

1 Afòn 1:31

Batsheba nèn tsə̀m ndzəə́, e làʼ kitú fo nsay, e sùúy jii, «Nyùy Tàr fó taàtá wom woo fon dzəʼə̀m ye daadàa.»

2 Afòn 25:8

Wáa dzə e kishiíy kee saàmbà fo ŋwee woo tàn, e kiya ke Nebukadnessar woo fon woó Babilon‑eè sí sáʼ ji kiyá nshòv bvə̀ʼə̀ e ghvə̀m, Nebusaradan, wo dzəə̀n mfòóme ŋgoo rə̀r ye yì shiy fon woó Babilon, a kfə̀n dzə̀ ŋgaà ntir fòn, wìy e Jerusalem,

2 Wòŋ 21:20

Vé‑eè kòʼór Jehoram ji fon, a wù dzə̀ kiyá nshòv sibaà e mtaár. Wù sáʼ vifon kiyá waamé, a wù dzə́ e Jerusalem. Wù‑uù lày, la wìr yòʼ tòŋ kpú rə́, fə̀m e mòʼón. Vé‑eè lìtì wun e Ŋkàlaʼ Davir, yii bèy, a yòʼ dzə̀ é fəm fo vé‑eè litì ámóʼ vee afon.

2 Wòŋ 28:27

Fòn Ahas‑iì lày, la á yòʼ lìtì wun e fəm wó afòn veé Juda. Vé‑eè lìtì a dzə̀ é ŋkàlaʼ e Jerusalem. Á bèy, wan və woo Hesekiya nèn yì vifon, a saʼ e wun ntaʼ.

2 Wòŋ 32:33

Fòn Hesekiya‑aà lày, á lìtì e mbìv kùy kirə̀ʼ ke vé‑eè litì afon vee rám Davir sho. Wír veé Juda adzə̀m wùn à wír ve vé‑eè dzə́ e Jerusaleme‑eè dìy kpú rə́ e ghvə́me shó. Manasse woo wán və nèn yì vifon, a saʼ e wun ntaʼ.

2 Wòŋ 36:19

Vé rər vəə́‑əə̀ tòn lav cù, e kètì kay yeé ŋkàlaʼ Jerusalem, e tòn vimà vé lav vee fó vidzə̀m, e sə̀ʼsí kifá keé kilùm kidzə̀m.

Nehemia 1:3

Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

Nehemia 2:13

Mò‑oò fəə̀ vitsə́ʼ vin, e dù dzə́ə fó Shùu Kày woo fó Mboʼ, e lò, e dù e mbìv Dàn Koosàʼ, e kfə̀n dù e mbìv Shùu Kày wo wú kiʼ Róŋ, du bèy, leey virə́v vé kày yeé Jerusalem ye vé‑eè bvəʼtin, à shuu se kày se və́yí‑iì tònèn sí.

Esta 8:6

A dzə̀ mo woo Esta, m ghàn é le, e bóo yu fóo kur tím, a yen mo rə́mrə́m kinyòo gbu e wír vémé kitu? A kù yòʼ dzə̀ m kùr tím, a dzə, a yen mo á laar wír vém á?»

Nsùyrì Nyùy 102:14

Vé lìm vée koŋ Sion, fə̀m mo á laàrìn ne fó. Mendzən mè rə́r áwune bìʼ saʼkìr ye fóo sàʼkìn ne.

Nsùyrì Nyùy 102:15

Vitúm vi wíy a ghvəm yír Nyùy Tàr, áàfon veé kitu ke nsay adzə̀me wáa leéy vikuʼùy və́, a fàn,

Nsùyrì Nyùy 137:6

Jerusalem, a m lò, a làysìn wò, e làa yòʼ a lì wò ji vijuŋ vém, a shaà vifá vidzə̀m, kiliímé kém kí kù koò e mǒ kilayláy, é la m yòʼ dzəə yù fó a yòv luŋ.

Nsùyrì Nyùy 38:7

Kinjàʼ ki yaʼ mo é ŋàŋ, a wúné shwí mo shwiín, a mbìv wùn yìmòʼ yòʼ tár yìmòʼ.

Jeremia 52:12

Wáa dzə e kishiíy kee ghvə̀m, e ŋwee woo tàn, e kiya ke Fòn Nebukadnessar woó Babilon‑eè sí sáʼ ji kiyá nshòv bvə̀ʼə̀ e ghvə̀m, Nebusaradan wo dzəə̀n wun mfòóme anshìy fòn, a kfə̀n dzə̀ ŋgaà ntir fòn, wìy e Jerusalem,

Yòvdìy 2:9

Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Daniel 2:4

Wír ve á yén virə́ʼə́ bùn fon e Lǎm Aramayik jii, «Bvərə̀ʼ, sàŋ wo wù lo ghán sidzə̀m, fòn ku fèr a njèm rə, áàkwàn vəə́ tóʼtí á, e fò e fòn.»

Daniel 3:9

Á bùn Fòn Nebukadnessar jii, «Nyàr, sáʼ rəə́ kú a tiy a fo, e dù, e jòʼsì.

Daniel 5:10

Yaà yeèfòn nèn yù mo fòn wùn aàtǎr laʼa súŋnin, a jì nanènè, wù líy, e shèm é ŋgày ye vé‑eè yí ŋkàʼ shó, e bùn fon jii, «Nyàr, fòn kù wíy a ban a moo shúy, e dù, e jòʼsì. Lá vifií vé tàr wor ví yòʼ à bvəə̀rí, é tàr wor wáa rəə́y.

Daniel 6:21

Daniel nèn bìnèr e ntoʼ jii, «Nyàr, fòn kú a ban a moo shúy, e dù, e jòʼsì.

Daniel 6:6

Áwune nèn tàr shuu, e dù, e yèn Fòn Darius, e bùn wun ji nyàr, fòn kú a ban a moo shúy, e dù, e jòʼsì.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.