Nehemia 2:18 - ŊWÀʼ NYÙY

¹⁸ Mò‑oò naàrì sá aáwune mo Nyùy wom dzəə̀n vèr wun, à kinyo ke fòn‑eè suuyin e mò kí. Áwune nèn bìnsí jii, «Vesən keʼ, a bàʼrì.» Wìr dzə̀m ku nèn bàʼtí, e kèʼ lim ye juŋ rə̀n.

Nehemia 2:18 Iomraidhean Croise

2 Samuel 2:7

Kí kù dzə̀ jii, mo Saul woo taàtá won làyìn ne, a wír veé Judàa yóʼ ne mo ji fon wov, lá vèn yòʼ a fàn. Vèn wáa tiy kitávín.»

1 Wòŋ 11:10

Vitú ve antav Fòn Davir vi víne. Dzə̀ áwune ve yì‑iì dzəə̀n kóy və́ wo tavíné, é bo wùn à wír veé Israyi tátí, e kòʼór wun ji fon, e kfə̀n tòm sáʼ rə́, yí táv réŋréŋ mo Nyùy Tàr‑iì yiìn ne kàʼ.

1 Wòŋ 19:13

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii kinyo ke kiìn wun.»

2 Wòŋ 32:5

Fòn Hesekiya kfən yòŋ, á bàʼrì kay yeé ŋkàlaʼ ye yí‑iì kèrkìn ne, yí kfə́n fó, e bòm virə́ʼ vé ŋkiy e kitu wo. Wù kfə̀n‑eè bòm yímóʼ yee kay, yí kaárí ye yí‑iì siìn, e bòm vitóm ve ví tóm kfə̀m woó Ŋkàlaʼ Davir wo vé‑eè bomen. Wù kfən fèr vifá ve rər vigháʼán, aàŋkèe sá sho.

Esra 6:22

Á nèn kfə̀n yì *Ŋkǎʼ Kiban kee là Nyaà kishiíy saàmbà, a vé‑eè yí e kishéʼrì ki, bìʼ fo Nyùy Tàr‑iì kùmèn shilív shé fòn woó Assiriya, wù sə́ áwune é kibàʼrì ke lav cù ye dzəə̀n lav Nyùy woó Isray.

Nehemia 2:8

A dzə̀ á kfə̀n fò sá wúmóʼó wo m du shó, e fò e Asav, wun wo wù leey kóv woó ntoʼ, ji wù yiì fò á vicí ve m wáa fèr shuu se lav ye yì téʼtin lav cù, à sé kày ye yí kaári ŋkàlaʼa shó. Wù fó sáa ve m baʼri lav yee fo m yíi a shiíy. Mo Nyùy wom‑eè tíy e mǒ kitu, fòn ku nèn yiì kinyo kidzə̀m ke mò‑oò lonen.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

1 Samuel 23:16

Jonatan woo wan Saul nèn lò dù, e yèn Davir e Horesh fèy, a tavír wun, a suúy ji Nyùy yíi a kìŋsìn a wun.