Nehemia 2:14 - ŊWÀʼ NYÙY

¹⁴ M lò, e shaà, e dù, e mèé e Shùu Kày wo wú kiʼ Dàn, a dzə̀ fo Kisə̀m ké Fòn ki‑iì dzəə̀n, la dzəə̀ yòʼ a dzə ye nyàm ye mò‑oò koʼon tósín.

Nehemia 2:14 Iomraidhean Croise

2 Afòn 18:17

Fòn woó Assiriya nèn lò kfə́, e tsə̀nsí amfòómé və́ ataár wùn à vé rərí agháʼán fó Lakish ji á du á e Jerusalem, e nə̀ə́ a Fòn Hesekiya e rə́r sí. Á kóʼ, e mèé e Jerusalem, e tìím e nshwǎn ndzəv wo wú sə́y fo kisə̀m kee fó kùy, a wú dzə̀ é ghaa dzəə ye yì du e kirə̀ʼ kee fo á yii su ndzə̀y.

2 Afòn 20:20

Ké vinyò vímóʼ ví vee Fòn Hesekiya mvə̀m saʼ, á sàŋ é ŋwàʼ wo dzəə̀n Ŋwàʼ Vinyò ve Afòn veé Juda. Á sàŋ mo vitaáví və́ ví‑iì dzəə̀n, e kfə̀n sàŋ mo wù‑uù sərin ndzə́v, e fèr nshwàn wo mendzə́v mè wáa leŋ sho, a dù e mvə̀mlaʼ.

2 Wòŋ 32:30

Fòn Hesekiya‑aà sə̀r ntoò ndzə̀v yee Gihon, e lì, yí sə́y é Ŋkàlaʼ Davir, a leŋ, a dù e mbìv yee fo shùy yii nəə. Vinyo ve Fòn Hesekiya‑aà yii vidzə̀m vi‑iì ghán kijuŋ.

Nehemia 12:37

Á meé é Shùu Kày wo wú kiʼ dàn, e nèn tèém, e kòʼ tìítiy e nsèʼtì seé Ŋkàlaʼ Davir, e kibiʼtí ké kày, e shaà e mbìv kùy ntoʼ Davir, e nèn dù e Shùu Kày woó Dzəə̀ Ndzə̀v, e mbìv yee fo shùy yii tó.

Nehemia 3:15

Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.

Nehemia 3:16

E wun bàm, Nehemia woo wan Asbuk náŋsín ke kí batin, e dù, e mèé e ŋkìʼnìn fə̀m sé rám Davir, e kfə̀n dù, e mèé e kisə̀m ke tuŋén kí, e shaà dù, e mèé fo láʼ vé rərí dzəə̀n. Nehemia və̀n‑eè dzə̀ wír wo wù‑uù sáʼ kimbàr ke wòŋ kee Bet‑Sur.

Ŋgaà Tàrvìnyò 2:6

e tùŋ bií wóm mendzə̀v wó a setí mendzə́v fó fo, a wayrí e vici ve m bìyìn.