Nehemia 2:1 - ŊWÀʼ NYÙY

¹ Wáa dzə e kishiíy kímóʼ kí é ŋwee woo Nisan, a Fòn Artakerkes sí sáʼ ji kiyá mbaà, á wìy e meluʼ mè, e fò shó. M nèn lì, e wàyrí wun sho, a m yii bèy, sə́nri, a bó fòn yòʼ‑oò yiì ne yèn, a m wiy e wun si, sə́nri.

Nehemia 2:1 Iomraidhean Croise

Kèʼlo 40:11

a m kér bóm fòn e mǒ kiwo. M nen kòy báŋ si, e kàm e fòn bom, e fò shó.»

Kèʼlo 40:21

e nèn siìr nshìylav fàáy ye yì‑iì leey fo bóme e wun kiliŋ ke lìm fo wù‑uù dzəə̀n, wù kfə́n a fo bóm e fòn.

Esra 4:7

Kfən lòo dzə e ghan se yì‑iì sí sáʼ Artakerkes woŋ Persia, wír ámóʼó kfən sàŋ ŋwàʼ fo fòn, a yì‑iì dzə̀ Bishlam wùn à Mitredat, à Tabeel, à kibér ke wìr ke yì‑iì dzəə̀n aŋgàa ŋgoo vév kí. Vé‑eè sàŋ ŋwàʼ və̀n e Lǎm Aramayik, e kù sàŋ a dzə̀ e sí se ŋwàʼ seé làm woo shooy si.

Esra 7:1

Mo vinyo vìn vi shaàn, wáa dzə, a sí sáʼ Artakerkes vifon veé Persia, wìr wùmòʼ wáa dzə, aá yoŋ ji Esra, a dzə̀ wír woó kfəə Aaron woo taà cù wo kuʼùn. Esra və̀n‑eè dzə̀ wan Serayia wo yì‑iì dzəə̀n wan Asaria, woo wan Hilkia.

Nehemia 1:1

Jí se Nehemia woo wan Hakalia. Yì‑iì dzə̀ é ŋwee woo Kislev, e kiya ke kí‑iì meen ji mbaà mo Fòn Artakerkes‑iì yiin vifon, a saʼ e Persia, a m dzə̀ é ŋkàlaʼ ye wiy yee Susa,

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

Esta 3:7

Vinyo vìn vi‑iì kooyì, a Fòn Ahasuru sí sáʼ ji kiyá nshòv sibaà e ghvə̀m. Wáa dzə e ŋwee mbìyi kù é kiya foo fèy, Haman ku nèn fə̀ə́r sáʼ ji á shwéŋ á fo fù wo áwune yoŋ ji Pur, e fíʼ kiíy a ŋwee wùn à kishiíy ke á wíy laàr wír veé Juda adzə̀m. Á shwéŋ, kí tiím é kishiíy kee nshòv sitaár e ghvə̀m fo ŋwee woo nshòv sibaà e ghvə̀m, a dzə̀ wo vé‑eè yòŋ ji Adar.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.