Nehemia 13:5 - ŊWÀʼ NYÙY

⁵ e fò kitáv ke kuʼùn kí, wù wáa shiíy sho. A kù dzə̀ kitáv fo vé‑eè yii lem cu vifa ve yi wùn à kiláy kee *frankinsen ki, à vifá ve ker vi, à vifá ve á fìʼìn kirə́ʼ e ghvə̀m, e shòʼ kee kimòʼón ki, e wìy sho, a yì‑iì dzə̀ sáŋ wùn à meluʼ mè, à meŋgvə́r mè, a dzə̀ vifá ve Nyùy‑iì yòŋèn ji á wáa fo e wír veé ram Levi wùn à e vé yòvi, à e wír ve vé‑eè leey kayi. Á kfə̀n‑eè lem sa mbìv vifa ye yì‑iì du aàtàá cùu fó.

Nehemia 13:5 Iomraidhean Croise

2 Wòŋ 31:11

Fòn Hesekiya nen yòŋ ji á baʼri á vitáv e Nyùy Tǎr lav. Á ku nèn bàʼrì.

2 Wòŋ 34:11

Vé‑eè fò mbàm e vé kintaa, e fò e vé kimbome, á yún tíy ye sanéné shó, e yùn vicí ve toʼón ví vee vé vintaà, à vé vimàʼ vi, ve á baʼri virə́ʼ vé lav cù sho, ve afon veé Judàa‑aà màʼtìn, ví bír.

Nehemia 10:36

«Vèr wíy a lì sa wón vér vee vilum vee vé mbìyi, a wìy sho e Nyùy wór lav, a yen atàá cù sho, ve á lim e ghan see shó, ji á fó e Nyùy mo á saŋen é Ŋwàʼ Nsər, e kfə̀n a wìy sa e wón nyàm vee vilum vee vé mbìyi fó ŋgoo nàʼ wùn à fó ŋgoo njiì, à fó ŋgoo bvəy se loŋ.

Nehemia 10:37

«Vèr káv vifá ve yi, lóo jò, é vèr li jó mbìyi, a wìy sho e vitàv veé lav Nyùy, a fo aàtàá cùu, e kfə̀n a wìy sa e vifá ve mbìy vi ve á fer e báŋ se sí koom e vici sí, à meluʼ mè, à meŋgvə́r mè. «Vèr wíy a toʼtí vifá ve á káv fo nsay fèn vidzə̀m kirə́ʼ e ghvə̀m, a fo kee kimòʼón ki e wír veé ram Levìi, mo dzəə̀n áwune ve á yii báʼti nsùʼ və̀n ntèʼ sidzə̀m fo á lim súm.

Nehemia 10:38

Taà cù woo Aaron ram kù wíy a dzə fo si e ghan se wír veé ram Levìi wíy a sə kirə́ʼ ké kimòʼón kìn. Á sə́, aá jav kirə́ʼ e ghvə̀m, e lì kee kimòʼón ki, e dù sho e lav Nyùy woo Nyùy wor, e dù, e wày é vitàv fó mvəm.

Nehemia 12:44

Wáa dzə e kishiíy fóo fèy, á kfən shòʼtí wír ve á wáa leéy vitáv vee fo á lem afómo wùn à ŋgòn se vifa si, à vifá ve kinshoʼ vi. Vé‑eè yíi a baʼtí vifá ve nsər din ji mbìv atàá cù wùn à ye wìr veé ram Levi, a dzə̀ ve wíri‑iì fó fo kwaʼ se vé‑eè lim e ghaa mvə̀m sé laʼ. A wír veé Judàa‑aà lo yù vijuŋ bìʼ lim ye atàá cù wùn à wír veé ram Levìi‑iì yii.

Nehemia 13:7

é m kfə́n á e bàm é Jerusalem. M kfə́n, e nèn yèn virim ve Eliashiv kfərin wùn Tobia ji wù wáa shiíy a e kitàv keé lav Nyùy.

Esiker 40:38

Vibuʼ ve ví‑iì nəə e maàndzə mvə̀m ví‑iì dzə̀, a wàn lav bár e wǔn kirəsí, kér shuu wo á nəə sho fo mvə̀m kirə̀sí. Yì‑iì dzə̀ fo vé‑eè su cu se tonèn sí.