Nehemia 13:3 - ŊWÀʼ NYÙY

³ Wír veé Israyi yú nsər rə̀n, e nèn fə̀ə́r wir kitum e dzə̀m fo áwuné mvəm.

Nehemia 13:3 Iomraidhean Croise

Esra 10:11

Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

Esra 9:2

Áwune tàʼ ne vitúm vìn a ji vikìy vév, e lì sa vé won vév fó fo, e nèn bvə̀yrì ŋgoo yee jeéy rə̀n e vitúm vìn vi. A wír ve á tíy mbìy e liì joònè fene dzə̀ á vilìmbìy wùn à vé saʼa.»

Nehemia 10:28

Kibér ke wìr kee jii, atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, à wìr dzə̀m wo wù fəən ne fo wír veé wòŋ see fó ghaŋ si, e ghàr a dzə̀ Nsər Nyùy, e lì sa vikìy vév wùn à wón vee vilume, à vee vikìyí, à wìr dzə̀m wo yì‑iì dzə̀ wù kìíy kinyo, e kfə̀n səə̀m.

Nehemia 9:2

Wír ve yì‑iì dzəə̀n naaŋkàntì rám Israyi bàr wún fo vitúm vi, e nèn tìím, a tuuné ajay vév wùn à vinyo ve atàr véví‑iì bùʼtìn ví.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Nsùyrì Nyùy 119:9

A dzə̀ wìr wàʼbìn ghàn é le, e bó a ker liì woo là nsem? A dzə̀ wù kù a yunín jí yè.

Ŋwàʼ Fəə 12:38

Vintaà kfəə vímóʼ ví‑iì lò aáwuné bàm vinín, bóo lì sa ŋgoo se bvəy wùn à sé nyàm si.

Ŋgàn 6:23

Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Kintaŋ 11:4

Atókíshwáŋ ve vé‑eè dzəə̀n e wír veé Israyí mvəmé nèn lò kèʼ, a ker shií é nyàm yée yi. Wír veé Israyi ló sá, e nèn a dìy, a suúy jii, «Bèn‑éè fó la ver nyám, é bo vèr yí?

Ŋwàʼ woó Rom 3:20

Wìr wo dzə̀ Nyùy wàa yen ji woo là jay ji bìʼ fo wun kì lim a mo nsər suuyì yòʼ dzə̀. Ke nsər yii ki dzə̀ jii, yì din, é wìr kiíy ji wun jày ne kinyo.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.