Nehemia 13:1 - ŊWÀʼ NYÙY

¹ Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Nehemia 13:1 Iomraidhean Croise

2 Afòn 23:2

à wír veé Juda wùn à veé Jerusaleme, aàtàá cùu, aàŋgàa ntum Nyùyi, e bóo lì wir dzə̀m, à wo kuʼùn, à wo terí. Wùn à fòn nèn kòʼ e Nyùy Tǎr lav. Wù dù, e yòŋ jí se sí‑iì dzəə̀n é Ŋwàʼ Mensàŋ wo vé‑eè boŋen fo Nyùy Tǎr lav, a wù yòŋ bèy, aáwune yuúri.

Nehemia 13:23

Kú a dzə e ghan fóo fèy, m yén sá wír veé Juda, aá kér vikìy a dzə̀ wón veé Ashdod wùn à veé Ammon, à veé Moavi,

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 4:3

Tobia woo wír woó Ammon wo wùn wun‑eè tíyí, nèn a yòŋ sa jii, «Ooboò, kay ye áwune bómée dzə̀, a fə̀m kòʼ sìm shó, wú kù kèr.»

Nehemia 8:2

Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Nehemia 9:3

Áwune ku nèn a tiy fo, vintsə̀m vé shùy vitaár, á wáa yòŋ vinyo fo Ŋwàʼ Nsər aáwune, Ŋwàʼ Nsər wo dzəə̀n wó Nyùy Tàr woo Nyùy wov. Áwune kfən lì sa vintsə̀m vé shùy vímóʼ ví vitaár, e tuùné ajay vév, a gvəʼtí e Nyùy Tǎr si, a ghvəm wun woo Nyùy wov.

Aysaya 34:16

Vèn leéy, e tàr vinyo vìn vi fo Nyùy Tǎr ŋwàʼ, e yòŋ. Kí din fo ji bó nyàm e mòʼón, kìn shinə́n shí yòʼ wíy lày. Nyàm yee lumèn kù wíy a ghan wùn yee wiíy, é shinə́n shee lumèn shi kú a gbù kiwuú kimòʼón wùn à shee wiíy shi. Kí wíy a dzə bèy, bìʼ fo foon Nyùy Tàr sáʼ rə̀n. Yiì kiyoy kfə́ ji vifá vìn vidzə̀m vi báʼtí.

Jeremia 48:1

Ntum yee kùm wír veé Moav rə̀ne. Nyùy Tàr woo Taà Mànjòŋ, wun woo Nyùy wìr veé Isray suuy jii: «Lòné dzə̀ wó wìr veé Nebo, á sí lo, e bvəʼə́y fó. Á lo, e tòn Kiriatayim, é wír vee fóo wáa woomé. Á yíi bvəʼə́y kikum ke ŋkàlaʼ, e shoór fó.

Amos 1:13

Nyùy Tàr suuy jii: «Abaày, wír veé Ammone fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè táŋ bìíy wòŋ, maʼ Gilead e rə́r sí, maʼà, shuʼtì bvəm se vikìy, aá dzə̀kìr e bvə́me.

Kintaŋ 22:5

nèn a tum wíri fo Balaam woo wan Beor wùn. Balaam‑eè dzə́ aáwuné wòŋ, e ŋkàlaʼ yee Petor, a yì‑iì dzə̀ é ghaa ndzəv yee Yufret. Fòn túm wír vìn ji á du, e jàŋ a Balaam, e sùúy sho a jii, «Fòn suuy a ji kitúm kímóʼ kí wìy fo Ejiv, e rùn woŋ, aá dzə́ e wun ŋkìʼnìn, a yòv a nsay rə.

Ŋwàʼ Luk 10:26

Jesus dzə́r shó jii, «Á sàŋ é Ŋwàʼ Nyùy ji wìr wáa yiì ka? À yoŋ ké yú ji ka?»

Lim Aŋgàa Ntum 13:15

Á yòŋ kinyo fo ŋwàʼ Mooser wùn à wó aŋgàa ntum Nyùyi, kí mày, atǎr ŋgày bùnrì rə̀yi nèn tùm wír, wù dù, e dzə̀r aáwune jii, «Afə̀r ver, a vèn kér kinyo kée tir wíri shó, vèn sùúy.»

Lim Aŋgàa Ntum 15:21

Aá kù sàŋ bey, bìʼ fo vé‑eè sí fiʼtì vinyo ve Mooser vìn virə́ʼ vidzə̀m, e kèʼ fo ŋgùʼ, a wíri yú. Aá kù dzəə́ yoŋ fo ŋwàʼ lèn e ŋgày se bùnrì vishiíy vé bam vidzə̀m.»