Nehemia 11:3 - ŊWÀʼ NYÙY

³ Vilìmbìy ve kishev ke wòŋ ke dzəə̀n ji Juda ve ví‑iì dzə́ e Jerusalem vi víne. Yii bèy, kùʼùn wìr veé Isray wùn aàtàá cùu, à wír veé ram Levìi, à vé lìm veé lav cùu, e lì rám aŋgàa lìm Solomone kú a dzə kév é mvəm sé laʼ seé Juda, a wìr kù‑uù dzə́ a dzə̀ fo vitsə́ʼ vé tàr wov ví dzəə̀n,

Nehemia 11:3 Iomraidhean Croise

Esra 2:1

Wír veé Juda ve vé‑eè loòn fó nsay Babilon, e kfə̀n é bàm aáwuné nsayi vìne. Kù dzə̀ wír ve Fòn Nebukadnessar woó Babilon‑eè koorin, e dù sho e Babilon, é bo á wáa kfən e bàm é Jerusalem, e wòŋ woo Juda, a wìr du a dzə̀ aáwuné ntèʼ.

Esra 2:43

Vé lìm veé lav cùu‑uù dzə̀ jii: Rám Tsiha, yé Hasufa, yé Tabbaot,

Esra 2:70

Atàá cù wùn à wír veé ram Levi, à wír ámóʼó nèn a dzə e Jerusalem wùn à fó ghaŋ. Vé yòvi wùn à ve á leey lav cù, à ve á lim e lav cùu wáa dzə e ntèʼ see fó mentsə̀m, bo kibér ke wìr keé Isray ki wáa dzə aáwuné ntèʼ sí, fo atàr véví‑iì dzə́ fo ŋgùʼ.

Nehemia 11:20

Wír veé Isray wùn aàtàá cùu, à wír veé ram Levi ve vé‑eè beriné nèn a dzə kév a dzə̀ é ŋkà se laʼ seé Juda sidzə̀m, a wìr dzə́ a dzə̀ fo vitsə́ʼ vé tàr wov ví dzəə̀n.

Nehemia 11:4

é bo wír ámóʼó wáa dzə e Jerusalem, aá ló fó rám Juda, e kfə̀n lò fo yé Benjamine. Vilìmbìy ve yì‑iì dzəə̀n rám Juda vi‑iì dzə̀ jii, Ataya woo wan Ussiya wo yì‑iì dzəə̀n wan Sekariya, Sekariya woo wan Amaria, wo yì‑iì dzəə̀n wan Shefatia woo wan Mahalalel, wo wù‑uù ràmèn fo wàn Juda woo Peres.

Nehemia 7:39

Rám sé atàá cù si‑iì dzə̀ jii, Yé Jedayia woo Jeshua kfəə, wír nshòv sitaár e msaàmbà e ghiì bvə̀ʼə̀ (973).

Nehemia 7:43

Wír ve dzəə̀n ji rám Levìi‑iì dzə̀ jii, Rám Jeshua wùn à yé Kadmiel, à yé Binnuy, à yé Hodevàa, wír nshòv sikweè e msaàmbà (74).

Nehemia 7:46

Vé lìm vée lav cùu wáa dzə jii, rám Tsiha, yé Hasufa, yé Tabbaot,

Nehemia 7:6

«Vine dzə̀ wír veé kishev ke wòŋ ve Nebukadnessar woo fon woó Babilon‑eè koorin, e dù sho, á dù, a rèŋ vikwàn fó, e bóo kfən e bàm é Jerusalem wùn ǎ Juda, a wìr kfə́n aáwuné ŋkàlaʼ.»

Nehemia 7:7

Áwune‑eè kfə̀n wùn à Serubbabel, à Jeshua, à Nehemia, à Asaria, à Raamia, à Nahamani, à Mordekay, à Bilshan, à Misperet, à Bigvay, à Nehum, e bóo lì Baana. Kfəə́ seé Isray se sí‑iì kfənen sí sìne mo vilum véví‑iì dzəə̀n.

Nehemia 7:73

Atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, e lì ámóʼó vee wír wùn à kibér ke wìr keé Isray ki nèn dù, a dzə a dzə̀ aáwuné ntèʼ sí. Ŋwee wo wú meen ji saàmbàa‑aà fəə́, a wír veé Israyi sì aáwuné ntèʼ sí.