Nehemia 11:1 - ŊWÀʼ NYÙY

¹ Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

Nehemia 11:1 Iomraidhean Croise

1 Wòŋ 26:13

Vé‑eè shwèŋ shuu se kày shwéŋén, e bóo fo woo shó e kfəə́ yee shóo, kìn dzə̀ ye terií, kìn dzə̀ ye kuʼùné.

1 Wòŋ 8:28

Wír vìn adzə̀me‑eè dzə̀ atǎr kfəə, a lav sinín si‑iì sàn fo áwune. Áwune‑eè dzə́ e Jerusalem.

1 Wòŋ 9:1

Vé‑eè wày yír sé wìr dzə̀m woó Isray e Ŋwàʼ Afòn veé Isray mo kfə́ə sév sí dzə̀kìn. Ké wìr vee rám Juda, vé‑eè koò áwune, e dù sho e Babilon, bìʼ fo áwune‑eè màʼàyìn Nyùy.

1 Wòŋ 9:2

Wír mbìy ve vé‑eè kfənen é bàm aáwuné ntèʼ sí, e dzə̀ʼə̀m aáwuné kitu ke vifaa‑aà dzə̀ wír veé Isray ámóʼó wùn aàtàá cùu, à wír veé ram Levìi, e bóo lì vé lìm veé lav cù.

1 Wòŋ 9:3

Wír ámóʼó nèn wìy kév, a dzə a dzə̀ é Jerusalem, aá fəə́ fó ram Juda, e fəə̀ fó ram Benjamin, e fəə̀ fo yé Efrayime, é bo ámóʼó fəə́ fo yé Manassèe. Áwune‑eè dzə̀ jii,

Nehemia 10:34

«Ver vee atàá cù, vèr à wír veé ram Levìi, à wìr dzə̀m tàr ne, e shòʼtí kfəə́ se sí yíi a wìy e meŋkaʼ me cù mè e Nyùy wór lav e ghan se á sìysìn, e kiya kiya, aá wáa tòn e Nyùy Tàr woo Nyùy wór kiy cù, mo á saŋen é Ŋwàʼ Nsər.

Nehemia 11:18

Wír veé ram Levi ve vé‑eè dzə́ é Jerusalem woo ŋkàlaʼ ye ranén rə̀n, vé‑eè dzə̀ wír nshòv sikweè e mwaamé e ghiì baà (284).

Nehemia 4:22

Mò‑oò yòŋ e wíri é ghan fen jii, «Wìr wùn wìr lìm və sí yiì a shiíy a dzə̀ á e Jerusalem, e fíʼ a shìy shiy vitsə́ʼə́, a yiì lim, e shùy.»

Nsùyrì Nyùy 122:5

Dzə̀ fo á yii maʼ akàvàʼ veé Isray, aàfon vee Davir ramé tínen vinyo veé wòŋ.

Nsùyrì Nyùy 122:6

Vèn wáa bùnrì ji nyaáŋ wáa dzə e Jerusalem, a lon ji wír ve á koŋ Jerusaleme wáa dzə kijuŋ.

Ŋgàn 16:33

Wíri lo, á shwèŋ kinyo shwéŋén, yii bèy, a kinyo ke ru kí kù yii din Nyùy Tàr.

Aysaya 48:2

Vèn yoŋ vitú vén ji wír veé ŋkàlaʼ ye dzəə̀n ye Nyùy, yoŋ ji vèn kù yoy, tiir a dzə̀ e Nyùy wìr veé Isray wùn. Wun wo yír rəə́ dzəə̀n ji Nyùy Tàr woo Taà Mànjòŋ.

Aysaya 52:1

Wír veé Sion, vèn ŋáʼáy, vèn ku ŋàʼáy. Vèn siir vitaáví ve vèn‑eè rə́si kér vi é bàm. Vèn ku maʼ vifá vén vé sùsù vi. Wír veé Jerusalem, ŋkàlaʼ ye ranén, wír ve yòʼ dzəə̀n vé Nyùyi yòʼ kfə̀n dzəə́ wìy nəə́ e věn ŋkàlaʼ. Wír ve á kér *kifàné yòʼ dzəə́ wìy tiír kiwuú fó.

Matio 27:53

Jesus wìy fəə̀ fó kpu, wír vìyi nèn dù e Nyùy ŋkàlaʼ yee Jerusalem, wír aníne yén áwune fó.

Matio 4:5

Kee shooy ki gháʼ, Satan nèn kfə̀n lì wun, e dù sho e Jerusalem, e kòʼ, e tìír e ntoò kitu ke *lav cù. Wù tiím fó,

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Lim Aŋgàa Ntum 1:26

Á bùnrì bèy, e shwèŋ, kí koó Matiar. Á nèn wày wun aàŋgàa ntum Jesus vee nshòv mòʼón e ghvə̀mé ŋgoo.

Joshua 18:10

Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.