Nehemia 1:7 - ŊWÀʼ NYÙY

⁷ Vèr tàv ne kitú vèsən é ŋàŋ, e ŋwày nsər sé wùn à sáʼ yée, à ntò se vinyò se wò‑oò tumen ŋgaà lìm wò woo Mooser sho si.

Nehemia 1:7 Iomraidhean Croise

1 Afòn 2:3

Á yiì vinyo ve Nyùy Tàr woo Nyùy wò yòŋèn ví, a ghan e wun mbòv, a yu sáʼ rə́, a yunín nsər sə́. Kú a jùmrì vinyo ve wù tínen vi vidzə̀m, à ntò se vinyò si mo sí dzəə̀n é Ŋwàʼ Nsər wo Mooser‑iì saŋen, é vinyo vé vi wìy a ghan kijuŋ, a fə̀m dzə̀ ka, aà fə̀m dzə̀ feé.

2 Wòŋ 25:4

Yii bèy, wù yòʼ‑oò lo yùyrí wón vév, bìʼ fo wù‑uù jùmrì a dzə̀ Nsər Nyùy Tàr, a dzə̀ kinyo ke vé‑eè saŋen é Ŋwàʼ Mooser jii, «Yòʼ dzə̀ á yùyrí atàr bìʼ jay wòn vév, a bó yòʼ dzə̀ á yùyrí wón bìʼ jay atàr vév. Wìr kù yíi a kpu a dzə̀ fo və́ə woo jay.»

2 Wòŋ 27:2

Jotam‑eè yii vinyo ve ví wáa gheén Nyùy Tàr, kù réŋréŋ mo tàr wov Ussiya‑aà yii. Yii bèy, wù yòʼ‑oò lo mùm kuv wóo nəə́ e Nyùy Tǎr lav ji wun ton á kiláy, fə̀m mo wíri kù‑uù shaa fo mbìy e liì kisaŋ.

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.

Nsùyrì Nyùy 106:6

Vèr jày ne, kù mo atàr vérí‑iì jáyí. Vèr kù‑uù táv a dzə̀ kitú, buʼtì vinyo ve bi ví.

Nsùyrì Nyùy 89:31

aáwune ŋwày sáʼ yém, e tèn fóo lèm nsər yem,

Nsùyrì Nyùy 89:32

bo m wíy màʼ ŋgeʼ aáwune, bìʼ shóʼór ye á shoʼorin nsər yem, maʼà, é m shóʼ virə́ʼ vév e ŋgwàne, bìʼ vinyo vév ve bi ví.

Aysaya 1:4

Yìiy, kitúm ke Nyùy sháʼnin kinyo, aá kù yii a dzə̀ kíwun. Wír, aá jáy vinyo e ŋgeʼ, a ví rə́ʼəy áwune rəʼəyín. Wón, aá kù buʼtì vinyo moo atàr vév, táti kifá kidzə̀m, kuvrì kùvrìn. Áwune màʼày ne Nyùy Tàr, a ŋway wun woo Ŋgaà wo Ranén woó Isray ŋwáyín. Á bìn ne ndzə̀m e wun, e lèʼ wun léʼén.

Daniel 9:11

Rúrú, wír veé Israyi shòʼór ne nsər yè adzə̀m, e bìn ndzə̀m, e làa yòʼ dzə́ə a yunín jí yè. À nen lò, e màʼ lòn e věr kitu, bìʼ fo vèr jayin ne e wò, a kù dzə̀ lòn wo vé‑eè yiin kilìʼ, e lèm e Ŋwàʼ Nsər wo Mooser woo ŋgaà lìm wò‑oò saŋen.

Daniel 9:13

Ŋgeʼ sidzə̀m se á saŋen é Ŋwàʼ Nsər Mooser si gbù ne e věr kitu. Yii bèy, a bó vèr yoʼ tòŋ e wò ji à shám ver, é vèr maʼti vinyo vér ve bi ví, a kiíy a dzə̀ suuyrú wò.

Hosea 9:9

Áwune nə̀ə́ ne e vinyò ve bi ví wuu baà, e bìvír vitú, kí fóy fóyin, kù mo atàr véví‑iì yii e Gibea fo ŋgùʼ. Nyùy kù yíi a kuumé vinyo ve á buʼtì. Wù wíy màʼ ŋgeʼ aáwuné kitu bìʼ vinyo vév ve bi ví.

Cù 27:34

Á nsər se Nyùy Tàr‑iì foon e Mooser e Gwan Sinay ji wù yoŋ e wír veé Israyi ji á wáa yiì.

Tsəfaniya 3:7

Rúrú, mò‑oò kwaʼ jii, wír vémé yíi yen, aá fan á mo, e yù ntir ye mò‑oò tír áwune shó, é la m yòʼ dzəə laàr a ŋkàlaʼ yev, mo mò‑oò wayin ne ji m kù‑úù yii. Yii bèy, áwune kú a dù duùn fó mbìy wùn à yii yév kisaŋe.»

Malakay 4:4

«Vèn kuúmé nsər wùn à ntò se yeʼéy se mò‑oò foon e wìr wom lìm woo Mooser si. Nsər se mò‑oò foon e wun e Gwan Horev ji wù yéʼéy wír veé Isray sho adzə̀m.

Remrí 4:1

Mooser yiì lò, e sùúy jii, «Éè wìr veé Isray, vèn wáa yunín nsər se m yéʼey ven shó si, à ntò se vinyò si, a yiì mo sí dzəə̀n, e fíʼ yiì a dzə sho, e yìi nəə́, e sə nsay ye Nyùy Tàr woo Nyùy atàr vén fó e vèn.

Remrí 4:5

«Vèn leéy, e yèn, m yèʼéy ne ven nsər sidzə̀m se Nyùy Tàr woo Nyùy wom yòŋèn e mò ji vèn fíʼ a lèm e nsay ye vèn nəə sho, e yòv.

Remrí 5:1

Mooser báʼtí wír veé Isray adzə̀m, e sùúy aáwune jii, «Éè wìr veé Isray, vèn yú, vèn yuúrí sáʼ Nyùy wùn à vinyo ve wù tinen ví. Dzə̀ vinyo ve m yoŋ e vèn lán. Vèn yéʼéy, e wày ŋàŋ ji á wáa yiì a mo ví dzəə̀n.

Remrí 6:1

Mooser shaà fo mbìy, a suúy jii, «Nsər se Nyùy Tàr sí síne wùn à sáʼ rəə́, à vinyo ve wù tínen vi, a wù yoŋ ji m yéʼéy á ven shó, é vèn wáa lèm e nsay ye vèn lo, e liysín Jordan, e yòv.

Ŋgaà Yen 19:2

Wù tínen vinyo vidzə̀m tìítiy, réŋréŋ mo ví dzəə̀n. Wù màʼ ne ŋgeʼ e kintìŋ ké sàkì ke kí‑iì ghán viŋkar, bívir wír veé nsay adzə̀m ki. Wù siìr ne mensə́ me aŋgàa lìm və́ ve wiíy və̀n‑eè rə́si yúyri e kitu wo.»